Aktualitet

Me heroinë dhe kokainë drejt Greqisë, në pranga shoferi dhe pasagjeri në Kapshticë

Në kuadër të operacionit policor antidrogë të koduar “Pragu” u sekuestruan rreth 1.1 kg heroinë dhe 750 gr kokainë.

23 Prill 2023, 16:18 Nga k.m.
Me heroinë dhe kokainë drejt Greqisë, në pranga shoferi dhe
Droga e sekuestruar

TIRANË- Policia e Shtetit ka bërë me dije se dy të rinj, të identifikuar si Mariglen Kristo dhe Dorjan Totoshi janë vënë në pranga pasi tentuan të trafikojnë heroinë dhe kokainë drejt Greqisë. Në kuadër të operacionit policor antidrogë të koduar “Pragu” u sekuestruan rreth 1.1 kg heroinë dhe 750 gr kokainë.

NJOFTIMI I PLOTË:

Kapshticë

Finalizohet operacioni policor antidrogë i koduar “Pragu”. Sekuestrohen rreth 1.1 kg heroinë dhe 750 gr kokainë. Tentuan të trafikonin sasi drogash të forta, drejt Greqisë, teksa udhëtonin me kamion, arrestohen në flagrancë 2 shtetas (drejtues dhe pasagjer në këtë automjet). 4 pakot me lëndë narkotike heroinë dhe kokainë iu gjetën të fshehura në trup dhe në çantë pasagjerit. Shërbimet e Stacionit të Policisë Kufitare Kapshticë, si rezultat i intensifikimit të kontrolleve në hyrje/dalje, të bazuara në analizën e riskut dhe të mbështetura nga inteligjenca informative, kanë organizuar dhe finalizuar në bashkëpunim me Seksionin për Hetimin e Narkotikëve të DVP Korçë, operacionin policor antidrogë të koduar “Pragu”.

Falë shkëmbimit të menjëhershëm të informacionit me strukturat e DVP Korçë, shërbimet e Policisë Kufitare të Kapshticës kanë kaluar për kontroll në vijën e dytë, automjetin kamion tip "Man", me drejtues shtetasin D. T. dhe pasagjer shtetasin M. K. Nga kontrollet e imtësishme në kamion dhe ndaj këtyre shtetasve, u gjetën 4 pako me lëndë të dyshuar narkotike kokainë dhe heroinë (rreth 1.1 kg heroinë dhe 750 gr kokainë), të cilat i kishte fshehur në trup, pasagjeri në këtë automjet, shtetasi M. K.

Në vijim të veprimeve procedurale u arrestuan në flagrancë shtetasit D. T., 36 vjeç dhe M. K., 29 vjeç, të dy banues në Elbasan, për veprën penale “Trafikimi i lëndëve narkotike”, kryer në bashkëpunim. Gjithashtu, sasitë e lëndëve narkotike u sekuestruan në cilësinë e provës materiale. Specialistët për Hetimin e Narkotikëve të DVP Korçë, në bashkëpunim me Prokurorinë pranë Gjykatës së Rrethit Gjyqësor Korçë, vijojnë hetimet për dokumentimin e plotë të veprimtarisë kriminale të këtyre shtetasve. Materialet procedurale i kaluan Prokurorisë, për veprime të mëtejshme.

mariglen kristo dorjan totoshi operacioni pragu

Sondazh

Poll

MË SHUMË