Aktualitet

'Lamtumira' nga Rinasi! Ekstradohet drejt Turqisë ‘mbreti’ i kriptomonedhave Faruk Ozer

Policia e Shtetit ka nxjerrë pamjet e fluturimit të tij drejt Turqisë, i shoqëruar edhe nga efektivë turq që e mbajnë prej krahësh për të ngjitur shkallët e avionit.

20 Prill 2023, 11:17 Nga k.m.
'Lamtumira' nga Rinasi! Ekstradohet drejt Turqisë
Faruk Fatih Ozer

TIRANË- Mëngjesi i sotëm ka qenë i fundit për të në Shqipëri, tani Faruk Fatih Ozer do të përballet e drejtësinë e vendit të tij. Paraditen e sotme, Ozer është ekstraduar drejt Turqisë pasi akuzohet për mashtrim të 391 000 qytetarëve turqë, nëpërmjet kriptomonedhave, duke u shkaktuar një dëm prej 2 miliardë dollarësh. Policia e Shtetit ka nxjerrë pamjet e fluturimit të tij drejt Turqisë, i shoqëruar edhe nga efektivë turq që e mbajnë prej krahësh për të ngjitur shkallët e avionit.

Ozer u arratis nga Turqia në 20 prill 2021 dhe u strehua në Shqipëri. Autoritetet turke nisën një hetim më 22 prill, pas një raporti se përdoruesit nuk mund të hynin në llogaritë e tyre të kriptomonedhave Thodex dhe se pronari i kompanisë kishte ikur jashtë vendit. Bordi i Hetimit të Krimeve Financiare (MASAK) përcaktoi shumën e vjedhur nga i riu në plot 356 milionë lira. Sipas pretendimeve, shuma që ai ka marrë është 2 miliardë dollarë. Si rezultat i hetimeve të hapura, Özer u kërkua një dënim me burg për 3 krime.

NJOFTIMI I PLOTË:

Interpol Tirana

Ekstradohet drejt Turqisë, i shumëkërkuari ndërkombëtarisht, për mashtrim të 391 000 qytetarëve, nëpërmjet kriptomonedhave, mashtrim me dëm ekonomik 2 miliard dollarë. Ky shtetas u kap më datë 30 gusht 2022, në Himarë, si rezultat i operacionit policor të koduar “Brain”, të zhvilluar nga Drejtoria Vendore e Policisë Elbasan, në bashkëpunim me FAST Albania, DVP Vlorë dhe Interpol Tiranën. 29-vjeçari turk ishte shpallur në kërkim ndërkombëtar, pasi Gjykata e Lartë e Stambollit në vitin 2021, kishte lëshuar urdhër arresti ndaj tij, per veprat penale “Krijimi i organizatës kriminale” dhe "Mashtrimi me pasoja të rënda”.

Mëngjesin e sotëm, specialistët e Interpol Tiranë, ata të Forcës Elitë RENEA dhe shërbimet e Drejtorisë së Përgjithshme të Burgjeve, shoqëruan në Rinas dhe i dorëzuan homologëve të Interpol Ankarasë, shtetasin F. O., 29 vjeç, me qëllim ekstradimin e tij drejt Turqisë.

Shtetasi F. O. ishte i shumëkërkuar ndërkombëtarisht, pasi akuzohet se nëpërmjet platformës së shkëmbimit të kriptomonedhave, ka mashtruar rreth 391 000 anëtarë të kësaj platforme dhe ka përfituar rreth 2 miliard dollarë. Ndaj këtij shtetasi Gjykata e Lartë e Stambollit në vitin 2021, ka lëshuar urdhër arresti, per veprat penale “Krijimi i organizatës kriminale” dhe "Mashtrimi me pasoja të rënda”. Si rezultat i bashkepunimit të Interpol Tiranës me Interpol Ankaranë, u bë i mundur arrestimi i shtetasit F. O., në Shqipëri, në kuadër të operacionit “Brain”, dhe më pas finalizimi i procedurave me ekstradimin e tij drejt Turqisë.

faruk fatih ozer faruk fatih ozer ne shqiperi

Sondazh

Poll

MË SHUMË