Aktualitet

FOTO- U ekzekutua një ditë më parë në biznesin e tij, Nikulaj përcillet nesër për në banesën e fundit

Një person veshur me jelek fosforeshent, i ngjashëm me atë të Policisë Rrugore, u fut brenda dhe qëlloi në drejtim të Nikulajt.

20 Prill 2023, 10:40 Nga A.B
FOTO- U ekzekutua një ditë më parë në biznesin e tij,
Ardian Nikulaj

TIRANË- Nesër familja Nikulaj, do përcjellë për në banesën e fundit biznesmenin Ardian Nikulaj, i cili u vra një ditë më parë me armë në biznesin e tij në Lezhë.

50-vjeçari u vra mesditën e djeshme teksa ndodhej në lokalin e tij në Shëngjin. Një person veshur me jelek fosforeshent, i ngjashëm me atë të Policisë Rrugore, u fut brenda dhe qëlloi në drejtim të Nikulajt. Më pas u largua pasi jashtë e priste bashkëpunëtori me motor. Të dy janë zhdukur pa gjurmë dhe nga çfarë raportohet deri më tani, pasi kanë braktisur motorin, kanë hipur në një mjet tip ‘Range Rover’ me ngjyrë të zezë e targa angleze.

Nikulaj rezulton se ka disa biznese në zonën e Lezhës dhe ka qenë gjithashtu pjesë e politikës. Aktualisht ai garonte në listën e anëtarëve të Këshillit Bashkiak dhe më parë ka kandiduar për deputet në Lezhë në listën e PSD-së./Dosja.al

vritet ardian nikulaj

Sondazh

Poll

MË SHUMË