Aktualitet

U kap me armë zjarri, arrestohet 45-vjeçari nga Kosova në Morinë (EMRI)

Si pasojë, në pranga përfundoi Florin Dumani. 

20 Prill 2023, 09:34 Nga k.m.

 

U kap me armë zjarri, arrestohet 45-vjeçari nga Kosova në
Foto ilustruese

MORINË- Arrestohet një 45-vjeçar në pikën kufitarë të Morinës, pasi po qarkullonte me një armë zjarri në makinën e tij, të cilën tentonte që ta fuste në Shqipëri. Si pasojë, në pranga përfundoi Florin Dumani. 

 

NJOFTIMI I PLOTË:

Morinë, Kukës

Tentoi të hynte në Shqipëri, i armatosur me pistoletë, falë inteligjencës informative shërbimet e Policisë vënë në pranga 45-vjeçarin nga Kosova. Sekuestrohen arma e zjarrit pistoletë, municion luftarak dhe automjeti që drejtonte 45-vjeçari. Shërbimet e Policisë Kufitare të Morinës, në vijim të punës për parandalimin dhe goditjen e krimeve kufitare, bazuar në inteligjencën informative dhe në analizën e riskut, në bashkëpunim me sherbimet e DVP Kukës, kanë goditur një rast të tentativës për të hyrë në Shqipëri, me armë zjarri.

Si rezultat, gjatë kontrollit me metoda bashkëkohore, të ushtruar në vijën e dytë, në automjetin që drejtonte shtetasi F. D., shërbimet e Policisë gjetën një armë zjarri pistoletë dhe municion luftarak, të cilat u sekuestruan në cilësinë e provës materiale, së bashku me automjetin që drejtonte ky shtetas.

Në përfundim të veprimeve hetimore, specialistët për Hetimin e Trafiqeve të Paligjshme dhe Narkotikëve të DVP Kukës arrestuan në flagrancë shtetasin F. D., 45 vjeç, banues në Fushë Kosovë, për veprën penale "Mbajtja pa leje dhe prodhimi i armëve, armëve shpërthyese dhe i municionit". Materialet procedurale i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.

florin dumani

Sondazh

Poll

MË SHUMË