Aktualitet

EMRAT/ Prostitucion brenda lokalit në Pogradec, arrestohet pronarja dhe dy persona të tjerë

Sipas policisë arrestimi është bërë pas dy muajsh hetime nga ana e prokurorisë.

19 Prill 2023, 18:44 Nga I.A
EMRAT/ Prostitucion brenda lokalit në Pogradec, arrestohet pronarja dhe dy
Policia

POGRADEC- Tre persona kanë rënë në pranga ditën e sotme për prostitucion. Mësohet se në pranga kanë rënë pronarja e lokalit Dhoksa Dhimitri si dhe dy persona të tjerë me emrat Ardiana Cale dhe Eduard Zelollari. Sipas policisë arrestimi është bërë pas dy muajsh hetime nga ana e prokurorisë.

Njoftimi i policisë:

Evidentohet dhe goditet si rezultat i një hetimi dymujor, një rast i veprimtarive të kundërligjshme në fushën e prostitucionit. Arrestohen 3 shtetas të implikuar në këtë rast, njëra prej tyre, pronarja e lokalit ku ushtrohej prostitucion. Shërbimet e Komisariatit të Policisë Pogradec, si rezultat i një hetimi dymujor, të kryer në bashkëpunim me Prokurorinë pranë Gjykatës së Rrethit Gjyqësor Pogradec, kanë konstatuar dhe goditur një rast të veprimtarive të paligjshme në fushën e prostitucionit. Për këtë rast u arrestuan në flagrancë shtetasit Dh. Dh., banuese në Pogradec, A. C., 48 vjeçe, banuese në fshatin Rëmenj, Pogradec dhe E. Z., 35 vjeç, banues në fshatin Alarup, Pogradec. Në lokalin në pronësi të shtetases Dh. Dh., 2 shtetasit e tjerë të arrestuar për këtë rast, u kapën duke ushtruar këtë veprimtari të kundërligjshme. Materialet procedurale i kaluan Prokurorisë pranë Gjykatës së Rrethit Gjyqësor Pogradec, për veprime të mëtejshme, për veprat penale “Prostitucioni”, “Shfrytëzimi i prostitucionit” dhe “Mbajtja e lokaleve për prostitucion”.

dhoksa dhimitri ardiana cale eduard zelollari

Sondazh

Poll

MË SHUMË