Politike

Berisha zbulon mesazhin e Ramës në organizata: Nëse nuk fitojmë, në shtator do ikim nga pushteti

Gjatë një takimi me qytetarët në Maliq, Berisha u shpreh se ka folur dhe për skandalin e Elira Kokonës, e cila paguhej nga shteti dhe më pas dilte në gjykatën e arbitrazhit kundër shtetit shqiptar.

19 Prill 2023, 18:22 Nga I.A
Berisha zbulon mesazhin e Ramës në organizata: Nëse nuk
Sali Berisha

MALIQ- Kreu i Partisë Demokratike Sali Berisha ka deklaruar sot se Rama u ka dërguar mesazh organizatave se nëse humbin zgjedhjet lokale në shtator do të mbahet zgjedhjet e përgjithshme dhe se ai do të largohet nga pushteti. Gjatë një takimi me qytetarët në Maliq, Berisha u shpreh se ka folur dhe për skandalin e Elira Kokonës, e cila paguhej nga shteti dhe më pas dilte në gjykatën e arbitrazhit kundër shtetit shqiptar. Sipas tij, në këtë skandal ka qenë e përfshirë dhe ministrja Mirela Kumbaro, për të cilën tha se ndante paratë me Kokonën.

“Ju e shini se si e ka penetruar krimi. Para 3 ditësh doli super skandali i një Kokona. Ajo është mbesa e Petrit Dumes. Çfarë bënte ajo. Në një anë ishte Sekretare e Ministrisë së Kulturës dhe pastaj de facto pasi është larguar Don Agaccio, një mafioz i nivelit ndërkombëtar. Doli kjo sekretare e Ramës. Kjo merrte rrogën e shtetit dhe në gjykata shkonte kundër shtetit. Ndante paratë me ndrikullën Kumbaron, se nuk ndodhte ndryshe kjo. Bizneset do të kenë përgjysmimin e taksave. Energjia me 6 lekë siç ka qenë më parë. Të firmosim fitoren.  Mora vesh se Edi Rama kishte paralajmëruar, më kishte kopjuar nëj mendim në kokë dhe u kishte çuar haber organizatave të tij, “Po nuk fituam do të ketë zgjedhje në shtator dhe do të ikim nga pushteti”. Edhe ja ku po ta them reale. Do të ikësh Edi Rama”, tha Berisha.

sali berisha elira kokona

Sondazh

Poll

MË SHUMË