Aktualitet

Me jelekë si policë rrugor, autorët e vrasjes së Nikulajt erdhën nga Shkodra e u larguan drejt të njëjtit vend, dëshmitarët: Menduam se ishte postier

Një prej autorëve është futur i vetëm në lokal, ka qëlluar biznesmenin 51-vjeçar dhe më pas ka dalë e ka hipur sërish në motorin ku e priste bashkëpunëtori.

19 Prill 2023, 17:42 Nga F.M
Me jelekë si policë rrugor, autorët e vrasjes së Nikulajt
Vendi ku u vra Ardian Nikulaj

SHËNGJIN- Personat që ekzekutuan biznesmenin Ardian Nikulaj në Shëngjin kanë ardhur nga Shkodra dhe janë larguar sërish në kryeqendrën e veriut. Të veshur me jelekë fosforeshentë që të jepnin idenë e një efektivi të Policisë Rrugore dhe skafandër mbrojtëse në kokë, autorët mbërritën me motor në lokalin ku Nikulaj që mbante dhe mbiemrin Marku, u fut i vetëm.

Një prej autorëve është futur i vetëm në lokal, ka qëlluar biznesmenin 51-vjeçar dhe më pas ka dalë e ka hipur sërish në motorin ku e priste bashkëpunëtori. Të dy janë larguar sërish në drejtim të Shkodrës.

Tre dëshmitarë okular në vendin e ngjarjes kanë sqaruar se autori u ka krijuar përshtypjen se ishte postier. 51-vjeçari Ardian Nikulaj rezulton se ka disa biznese në zonën e Lezhës dhe ka qenë gjithashtu pjesë e politikës. Aktualisht ai garonte në listën e anëtarëve të Këshillit Bashkiak dhe më parë ka kandiduar për deputet në Lezhë në listën e PSD-së.

vritet ardian nikulaj ardian nikulaj

Sondazh

Poll

MË SHUMË