Politike

Berisha: Rama po degradon familjen, këta pyesin fëmijët nëpër kopshte se çfarë gjinie preferojnë

Berisha tha se Veliaj e Rama po tentojnë të zhdukin familjen dhe vlerat e saj. 

17 Prill 2023, 18:38 Nga F.M
Berisha: Rama po degradon familjen, këta pyesin fëmijët
Sali Berisha

GRAMSH- Kryedemokrati Sali Berisha thotë se kryeministri Edi Rama dhe kryebashkiaku Erion Veliaj po degradojnë familjet shqiptare. Nga Gramshi ku prezantoi kandidatin e tij, Berisha tha se në kopshte i pyesin fëmijët se çfarë gjinie preferojnë. Sipas tij, teoria 'prindi 1' dhe 'prindi 2' po përhapet gjerësisht. Berisha tha se Veliaj e Rama po tentojnë të zhdukin familjen dhe vlerat e saj. 

Pjesë nga fjala e Berishës: 

Në shekuj e mijëvjeçarë ne na ka mbajtur familja. Pa diskutim, ajo ka qenë streha, votra e cila ka garantuar jetesën dhe mbijetesën tonë. Çfarë duan të bëjnë këta. Këta duan të shembin familjen dhe gjininë. Po, po. Këta po fusin në shkolla dhe kopshte, e kanë filluar në Tiranë gjerësisht, prindi 1 dhe prindi 2. Këta fillojnë dhe i pyesin fëmijët nëpër kopshte, çfarë gjinie preferon. Këta ecin me një platformë të degradimit të familjes shqiptare. Të degradimit të plotë të shoqërisë shqiptare. A ka normë morale që e pranon këtë në Shqipëri. E pranon, e pranojnë ata. Pse e bëjnë këtë ata? Ata e bëjnë këtë sepse duke deporsenalizuar, se natyrisht nëna ka shenjtërinë e saj, babai ka autoritetin e tij, natyrisht gjinia është ndarë që nga Eva dhe Adami, etj., me radhë. Por duke i fshirë këta, krijojnë njeriun e papersonalitet. Njeriun që nuk di se kush është. A mund të vazhdojmë ne kështu, a duhet të ndalojmë ne këtë agresion të tmerrshëm që bëhet ndaj familjes dhe vlerave të saj.
Përpara me Edi Ramën do të thotë drejt shkatërrimit dhe asgjësimit të familjes dhe gjinisë njerëzore. Ndaj dhe në 14 maj, votojmë ndryshimin, ndryshimi është në duart tuaja dhe ne jemi të sigurtë se së bashku fitojmë.

sali berisha fushata 2023 zgjedhjet lokale 14 maj 2023

Sondazh

Poll

MË SHUMË