Politike

Berisha: Rama-Brava morë miliona dollarë nga KQZ, ne bëjmë fushatë me kontributet e mbështetësve

Ai shtoi se fushatën e PD-së po e bën me kontributet e anëtarësisë dhe të mbështetësve. 

14 Prill 2023, 12:45 Nga F.M
Berisha: Rama-Brava morë miliona dollarë nga KQZ, ne bëjmë
Sali Berisha

TIRANË- Kryedemokrati Sali Berisha tha se parashikon një fitore të madhe në zgjedhjet lokale të 14 majit, por nuk dha një numër bashkish që mund të merrte. Në një konferencë me gazetarët, Berisha tha se paratë që i takonin grupit të tij janë në duart e Enkelejd Alibeajt. Ai shtoi se fushatën e PD-së po e bën me kontributet e anëtarësisë dhe të mbështetësve. 

Pjesë nga konferenca: 

Pyetje: A keni një parashikim se çfarë do të cilësoni një fitore në këto zgjedhje, keni një numër të caktuar? Kur ju thoni do të fitojmë, mendohet se do të jetë një numër më i madh se bashkitë që do të marrë PS?

Sali Berisha: Unë nuk mund të them që do të fitojmë 100%, por nuk mund të them as se cilën bashki nuk do ta fitoj. Klima është mjaft pozitive, 2 milionë euro grabitit Rama-Brava, sot ne jemi forcë politike që bëjmë fushatë vetëm me kontributet e anëtarësisë dhe mbështetësve tanë. 61 kandidatët tanë zhvillojnë fushatën më të pastër të mundshme, njëlloj si në vitin 1992. Madje atëherë ka rrezik na ka dhënë ndonjë gje KQZ-ja, duhet të shoh regjistrat. Sot i marrin Rama-Brava, me ata që i mban peng me lidhjet e krimit. Ne bëjmë fushatë me kontributet e mbështetësve tanë. Po të numërosh pemët që ai ka premtuar të mbjellë, parave të blerjes së 1 milionë fidanëve të mbjella sipas tij, në një kohë që nuk janë as 10 mijë. Berlini, qyteti më i gjelbëruar ka 480 mijë pemë. Këta përpiqen, por janë në rrokullisje, në rënie të lirë. Të vazhdojnë me tallavanë e tyre deri sa të marrin faurën që u përket.

sali berisha

Sondazh

Poll

MË SHUMË