Politike

Meta: Do të shumëfishojmë fondin për strehimin social në Tiranë

Meta shkroi se tashmë fondi i Tiranës për strehimin social është vetëm 0.7 mln euro dhe se sipas tij Bashkia nuk ka bërë asgjë për çështjen e strehimit.  

14 Prill 2023, 12:27 Nga I.A
Meta: Do të shumëfishojmë fondin për strehimin social
Ilir Meta

TIRANË- Kreu i Partisë së Lirisë Ilir Meta ka deklaruar se fondi i strehimit social në Tiranë do të shumëfishohet. Me anë të një postimi në Facebook, Meta shkroi se tashmë fondi i Tiranës për strehimin social është vetëm 0.7 mln euro dhe se sipas tij Bashkia nuk ka bërë asgjë për çështjen e strehimit.  

Postimi i Metës:

Fondi i strehimit social i Bashkisë së Tiranës është vetëm 0.7 milionë euro ose sa 10 apartamente në periferi të kryeqytetit. Në 6 vitet e fundit, 7.1 milionë metër katrorë janë ndërtuar në Tiranë, por bashkia nuk ka bërë asgjë për çështjen e strehimit social. Sepse prioriteti i tyre ka qenë pastrimi i parave dhe jo strehimi social. Ne do ta shumëfishojmë këtë fond për t’i dhënë zgjidhje problemit të strehimit për familjet e reja, për nënat kryefamiljare, për personat me aftësi të kufizuara, për shtresat në nevojë, për të moshuarit, të rinjtë dhe studentët. Bashkë Fitojmë!

ilir meta

Sondazh

Poll

MË SHUMË