Politike

“Luftë” për pushtet? Veliaj flet për raportin me kryeministrin: Jemi 'shkëlqyer'. Edi e qan kryesimin e PS

Erion Veliaj tha se raportin me Ramën e ka të shkëlqyer, ndërsa nuk i kurseu ironitë për opozitën.

13 Prill 2023, 23:57 Nga k.m.
“Luftë” për pushtet? Veliaj flet për raportin me
Erion Veliaj

TIRANË- Kandidati i Partisë Socialiste për Bashkinë e Tiranës, Erion Veliaj komentoi raportin e tij me kryeministrin Edi Rama. Në një intervistë të dhënë për emisonin “Open”, kryebashkiaku aktual i Tiranës, Erion Veliaj tha se raportin me Ramën e ka të shkëlqyer, ndërsa nuk i kurseu ironitë për opozitën.

I pyetur nëse ekziston një luftë” për t’u bërë numri 2 në PS, Veliaj e mohoi kategorikisht, duke thënë se ai është kryetar bashkie.

“Marrëdhëniet tona janë të shkëlqyera dhe po të kishte opozita të njëjtën marrëdhënie, që të kenë mundësi dy njerëz me sportivitet të mbajnë batutën… të tilla halle paçim unë dhe Edi Rama, dhe nëse ky është bërë problem, do të thotë që opozita është aq dramë sa po merret me këtë.

Ne e kemi nivelin e harmonisë në familjen socialiste, në një nivel që se ka pasur kurrë. Ka disa kryetar bashkie që e marrin dhe thonë që kemi luftë e qeverinë, por bashkia nuk është levë për t’i rënë kryeministrit. Bashkëpunimi me bashkitë dhe qeverinë, është shumë i domosdoshëm.

Unë kam 20 vjet që komunikoj përditë me Ramën, dhe kjo është gjuha që përdorin dy njerëz që kanë afeksion dhe e marrin me sportivitet sfidën dhe fushatën. Unë nuk jam numër 2 i PS, unë jam kryetari i bashkisë së Tiranë. Këto të tjerat i qan Edi Rama dhe fakti që ka fituar këto 8 vite tregon se di ta bëjë shumë mirë. Nuk ka një betejë për numrin dy në PS. Një nga diskutimet që kemi me Ramën për këtë fushatë është që duhet të jetë për të konsoliduar raportin që ne kemi me njerëzit dhe fitoren e mandatit të katërt të tij,”- tha Veliaj.

erion veliaj

Sondazh

Poll

MË SHUMË