Politike

"SHBA na mbështeti", Alibeaj i kënaqur nga takimi me Escobar, tregon detaje nga biseda

Enkelejd Alibeaj tha se thelbi i diskutimit të tij me Escobar ishin shkeljet morale, politike dhe të institucioneve nga ana e mazhorancës.

13 Prill 2023, 20:24 Nga k.m.
"SHBA na mbështeti", Alibeaj i kënaqur nga takimi me
Gabriel Escobar dhe Enkelejd Alibeaj

TIRANË- Deputeti i Partisë Demokratike, Enkelejd Alibeaj ka zbuluar detaje nga takimi me të dërguarin e SHBA për Ballkanin Perëndimor, Gabriel Escobar në Tiranë. Në një intervistë që ka dhënë për "Frontline", Alibeaj tha se thelbi i diskutimit të tij me Escobar ishin shkeljet morale, politike dhe të institucioneve nga ana e mazhorancës.

“Nuk është takimi i parë me Escobar për PD-në. PD ka lindur me bekimin e SHBA-ve dhe marrëdhëniet e saj me SHBA-në janë speciale. Nuk bëhet fjalë për marrëdhënie të informacionit politik, por SHBA është vetë frymëzimi i kombit tonë. Partinë e bëjnë bartësit e atyre vlerave mbi të cilat u themelua partia para 32 vitesh. Ishte një mbështetje e pastër dhe e qartë që SHBA i jep PD-së, demokratëve dhe shqiptarëve. Nuk e fsheh fare që mbështetja e tyre është impuls i fortë. Ky ishte thelbi i diskutimeve me Escobar, por edhe për zgjedhjet e 14 majit. I shpjegova refuzimin e mazhorancës për rekomandimet tona që kemi çuar në komision. I bëra me dije të gjitha shkeljet, jo vetëm morale e politike që kjo qeveri po bën. Shkelja sistematike e të dhënave personale me Aktivistin e famshëm, shantazhet dhe terrori në administratën publike që ka marrë urdhër për të bërë vota për qeverinë. Rritjet e pagave e pensioneve, tenderët e pafundëm të kësaj qeverie që i ka lansuar tani. Të gjitha këto janë simptoma më e qartë e dukshme që kjo qeveri zgjedhjet i vjedh, i blen dhe shantazhon qytetarët. Procesi zgjedhor është proces i partive politike dhe i qytetarëve mbi të gjitha,”- tha ai.

enkelejd alibeaj

Sondazh

Poll

MË SHUMË