Politike

Balla për akuzat e Berishës: E sfidoj të shkojë të bëjë kallëzim, ose ndryshe të mbyllë gojën

Gjatë seancës së sotme plenare, Balla u shpreh se ngjarja duhet që të zbardhet, por nuk mund ta bëjë politikanët policin apo prokurorin.

13 Prill 2023, 14:04 Nga I.A
Balla për akuzat e Berishës: E sfidoj të shkojë të
Taulant Balla

TIRANË- Deputeti socialist Taulant Balla ka sfiduar kryedemokratin Sali Berisha që të bëjë kallëzim nëse ka emra për autorët që kanë vendosur tritolin në makinën e kreut të PD-së në Vaun e Dejës Bernard Ndreca. Gjatë seancës së sotme plenare, Balla u shpreh se ngjarja duhet që të zbardhet, por nuk mund ta bëjë politikanët policin apo prokurorin.

"Gjithmonë kështu ka bërë. Fajësonte Kryeministrin e asaj kohe të PS. Faktet treguan se ishte komplet një histori tjetër, vetë ky ishte i lidhur dhe e nxori bashkëpunëtorin e tij në pritë. Unë e përgëzoj ministrin e Brendshëm që nuk iu përgjigj, përgjigjen duhet ta japin institucionet. Ngjarja duhet zbardhur. Nuk e bën politika policin apo prokurorin. E sfidoj Berishën, të shkojë t’i çojë në prokurori emrat që gjoja ka. Ka një nen që e detyron të bëjë kallëzimin. Shkoni bëjeni kallëzimin, ose ndryshe mbylleni gojën se mund të ketë gjëra që s’i dihet”, tha Balla.

taulant balla seance plenare 13 prill 2023

Sondazh

Poll

MË SHUMË