Politike

Atentati me tritol ndaj kreut të PD në Vaun e Dejës, Begaj: Dënoj me forcë aktet e dhunës ndaj aktivistëve politikë të çdo kahu

Begaj kërkon që të vihet sa më shpejt para ligjit personat përkatës. 

11 Prill 2023, 13:14 Nga A.B
Atentati me tritol ndaj kreut të PD në Vaun e Dejës, Begaj:
Bajram Begaj

TIRANË- Presidenti Bajram Begaj ka reaguar pas shpërthimit me tritol ndaj kryetarit të PD-së në Bashkinë e Vaut të Dejës. Begaj e dënon me forcë këtë akt dhune duke theksuar se dënon çdo veprim të tillë ndaj individëve dhe aktivistëve politikë. Ai kërkon që të vihet sa më shpejt para ligjit personat përkatës. 

Reagim i Presidentit:

Mësova me shqetësim mbi vendosjen e një sasie eksplozivi në automjetin në pronësi të Z.Bernard Ndreca, në Laç, Vau i Dejës. Dënoj me forcë aktet e dhunës ndaj cdo individi e ndaj aktivistëve politikë të çdo kahu. Nxis institucionet përgjegjëse të identifikojnë e të vendosin para ligjit personat përgjegjës.

Çfarë ndodhi sot?

Makinës së kryetarit të PD-së në Bashkinë e Vaut të Dejës, Benard Ndrecës i është vendosur tritol. Shpërthimi ka ndodhur në orët e para të mëngjesit në fshatin Paçram të Vaut të Dejës, në momentin që Ndreca ka hipur në makinë. Nga shpërthimi, Ndreca dhe nëna e tij e cila ishte në oborr, nuk kanë pësuar dëmtime, por janë shkaktuar vetëm dëme të pjesshme materiale. Ndreca është shprehur se atentati ndaj tij me tritol është një sulm politik, duke shtuar se nuk ka konflikte me asnjë njeri duke pretenduar se ngjarja lidhet me detyrën e tij si kreu i PD-së në Vaun e Dejës. Kamerat e sigurisë fiksuan dy persona, të cilët gjatë natës montuan sasinë e tritolit në mjetin 'Audi'. Për këtë ngjarje ka reaguar edhe kryetari i Partisë Demokratike, Sali Berisha i cili bën përgjegjës kryeministrin Edi Rama.

bajram begaj benard ndreca atentat benard ndreces

Sondazh

Poll

MË SHUMË