Aktualitet

Shkrumbohet nga flakët makina e parkuar në Korçë, dyshohet për zjarrvënie të qëllimshme

Gjatë këqyrjes së kamerave të sigurisë, është fiksuar një person që i vë zjarrin mjetit, duke i hedhur lëndë djegëse.

6 Prill 2023, 09:46 Nga A.B
Shkrumbohet nga flakët makina e parkuar në Korçë, dyshohet
Foto ilustruese

KORÇË- Një makinë është shkrumbuar gjatë natës së kaluar në vendin e quajtur “Ura e fajancës”. Pronari i mjetit është shtetasi Klodian Cacani, i cili nga verifikimet e kryera, rezulton se nuk njihet si person me precedent penal.

“Më datë 06.04.2023, rreth orës 01:10, pranë vendit të quajtur “Ura e fajancës”, ka rënë zjarr në automjetin tip “Benz” në pronësi të shtetasit K. C., banues në Korçë, i cili ishte i parkuar. Grupi hetimor po punon për zbardhjen e rrethanave të ngjarjes dhe përcaktimin e shkaqeve të rënies së zjarrit”, thuhet në njoftimin e policisë.

Gjatë këqyrjes së kamerave të sigurisë, është fiksuar një person që i vë zjarrin mjetit, duke i hedhur lëndë djegëse. Autori i dyshuar ka marrë dëmtime gjatë vendosjes së zjarrit. Pavarësisht lëndimeve që pësoi, raportohet se ky person nuk është paraqitur të kërkojë ndihmë në asnjë prej spitaleve të zonës

Grupi hetimor ka nisur punën për të zbardhur shkaqet e rënies së zjarrit./Dosja.al

digjet makina ne korce korce klodian cacani

Sondazh

Poll

MË SHUMË