Aktualitet

Zgjedhjet e 14 majit/ KQZ thirrje mediave: Të respektohet afati për publikimin e sondazheve dhe heshtja zgjedhore

Ata i bëjnë apel mediave që të përmbushin të gjitha detyrimet sipas pjesës VI, “Fushata Zgjedhore në Media”, të Kodit Zgjedhor, lidhur me zbatimin dhe respektimin e disa afateve

5 Prill 2023, 19:55 Nga I.A
Zgjedhjet e 14 majit/ KQZ thirrje mediave: Të respektohet afati për
KQZ

TIRANË- Komisioni Qëndror i Zgjedhjeve ka paralajmëruar Ofruesit e Shërbimit Mediatik Audioviziv për zbatimin dhe respektimin e çështjeve të rëndësishme si afati për publikimin e sondazheve dhe heshtja zgjedhore. Ky njoftim i KQZ vjen vetëm 39 ditë para zgjedhjeve vendore, gjithashtu ata i bëjnë apel mediave që të përmbushin të gjitha detyrimet sipas pjesës VI, “Fushata Zgjedhore në Media”, të Kodit Zgjedhor, lidhur me zbatimin dhe respektimin e disa afateve si:

Periudhës së fushatës zgjedhore, e cila fillon 30 ditë para datës së zgjedhjeve dhe përfundon 24 orë para datës së zgjedhjeve.
 Periudhës së heshtjes zgjedhore, e cila përfshin ditën përpara datës së zgjedhjeve dhe datën e zgjedhjeve.
Publikimit të rezultateve të sondazheve zgjedhore. Sondazhet zgjedhore nuk mund të publikohen gjatë 5 ditëve të fundit para datës së zgjedhjeve.
Afatit kohor për dorëzimin e tarifave zyrtare. Operatorët radiotelevizivë brenda datës 09.04.2023 duhet të dorëzojnë në KQZ tarifat zyrtare për çdo segment kohor.
Kohës së përgjithshme të transmetimit të reklamave politike, e cila nuk mund të jetë më shumë se 90 minuta.

kqz zgjedhjet lokale 14 maj 2023

Sondazh

Poll

MË SHUMË