Politike

Rama tha "MJAFT" pas 8 vitesh/ Berisha sapo e nisi, u komenton ndjekësve në Facebook, "kapet" me njërin: Fjalori yt s'meriton përgjigje!

Por tashmë Berisha duket se nuk "ndalet", pasi ka vendosur që t'i kthejë përgjigje edhe komentuesëve të tij, kryesisht në Facebook

4 Prill 2023, 14:20 Nga k.m.
Rama tha "MJAFT" pas 8 vitesh/ Berisha sapo e nisi, u komenton
Sali Berisha dhe Edi Rama

TIRANË- Beteja mes kryeministrit Edi Rama dhe kryedemokratit Sali Berisha nuk zhvillohet vetëm në terren por edhe në rrjetet sociale. Shembullin e kanë dhënë të dy me platformat ku janë të pranishëm, në të cilat përmendim: Facebook; Twitter, TikTok, e tashmë edhe me podcast-et e tyre, ku kanë vendosur që të rrëfejnë të pathënat e tyre. Por tashmë Berisha duket se nuk "ndalet", pasi ka vendosur që t'i kthejë përgjigje edhe komentuesëve të tij, kryesisht në Facebook. 

Shembuj ka mbledhur Dosja.al, ku duket se Berisha i flet admiruesëve të tij, por edhe atyre që nuk e preferojnë si figurë politike. Veçse nuk harron që t'u tërheqë vëmendje për gjuhën që shpesh herë përdorin. Ndërsa me të tjerë ndan mendimet e tij lidhur me zhvillimet më të fundit politike. 

REPLIKAT E BERISHËS ME KOMENTUESIT: 

Komentuesi 1: Oooo Salih: i thua popullit se ndryshimi eshte ne duart tuaja: pooo more salih po, pse nuk i thua popullit se me mua ne krye shqiperia ndryshon drej faqes zeze???? Me perjashtim te militareve tuaj, te cilet ja te verbuar dhe te pa interesuar per tu informuar ndaj teje more salih, une mendoj se populli mbare ne shumice apsolute eshte i bindur se: cilido çe tek ti mban shprese i dhjere do te vdese.

Sali Berisha: Gjuha dhe fjalori i juaj nuk meriton pergjigje. Ky duf te kujton ata qe u terbuan nga permbysja e sistemit monist stalinist dhe qe i tmerron permbysja e sistemit monist te Edi Rames te bazuar ne krimin, vjedhjen e shqiptarve dhe drogen, i tmerron ata qe antaresimin e Shqiperise ne Nato, mbrojtjen e interesit kombetar nga PD, ndertimin e infrastruktures rrugore, projektet e medha energjitike si TAP, Kaskada e Devollit, kaskada e Fanit, Ashta etj etj, liberalizimin e vizave, dyfishimin e rrogave dhe pensioneve etj etj i perjetojne me urrejtje i shohin si arritje te kundershtarit qe i zemrojne e terbojne dhe qe me mire te mos kishin ndodhur. Zoti ju ndihmofte te çliroheni nga fanatizmi i juaj i verber.

Komentuesi 2: Zoti doktor jame nje demokrat ne emigrim tash 30 vjete desha tju kerkoj nje gje si demokrat partia demokratike ka nevoj per bashkim ne qofte se don me rezuar edi ramen me banden e tije me vjen keq te them por rinia nuk.ka te ardhme ne shqipri besoj qe ta lezosh ms dhe te me kthesh nje pergjigje respekte e fitore

Sali Berisha: Mirembrama Fejzi ju falenderoj per mesazhin dhe ju siguroj se PD eshte e hapur plotesisht per çdo antere dhe antare te saj qe pranon voten e lire brenda kesaj partie. Partia demokratike pranon plotesisht fraksionet. Por Basha dhe Alibei jane pengje mjerane te Edi Rames qe kontrollohen kryekeput prej tij dhe punojne nga mjesi ne darke kunder PD dhe per pushtetin e Edi Rames, me urimet me te mira per ju, me respekt Sali Berisha.

Ndërkohë që një vit më parë, më mars 2022, kryeministrit Edi Rama me postim të gjatë dhe shterues shpjegoi se nuk do të ndërhynte më nëpërmjet komenteve në Facebook. Ai tha se komentet e deritanishme i kishte bërë në respekt të atyre që i shkruanin, por kjo gjë i është marrë për arrogancë dhe karshillëk. Ndaj dhe kishte vendosur që të stoponte. 

sali berisha edi rama

Sondazh

Poll

MË SHUMË