Aktualitet

Inceneratori i Tiranës/ Veliaj kallëzon Kokën dhe "Syri" për intervistën me biznesmenin italian, Koplikaj: I hapën letrat si mashtrues

Taulant Koplikaj shkruan se me ironi se në Shqipëri lejohet çdo emision i bazuar në konspiracion, por një intervistë që është kundër Veliaj, e bën një media jo serioze.

4 Prill 2023, 12:57 Nga k.m.
Inceneratori i Tiranës/ Veliaj kallëzon Kokën dhe
Taulant Koplikaj

TIRANË- Kryeredaktori i emisionit "Piranjat", Taulant Koplikaj ka komentuar kallëzimin penal të bërë nga kryebashkiaku i Tiranës, Erion Veliaj pas publikimit të një interviste me një biznesmen italian për inceneratorin e Tiranës. Në rrjetet e tij sociale, Koplikaj shkruan se me ironi se në Shqipëri lejohet çdo emision i bazuar në konspiracion, por një intervistë që është kundër Veliaj, e bën një media jo serioze. Madje personazhit në fjalë i rikthyen dhe historinë e problemeve me ligjin për ta bërë të pabesueshëm.

"Degjojne cdo dite Alfred Cakon qe flet per alienet qe komandojne mendjen e Presidentit amerikan, i ftuar ne studiot "serioze" te Tiranes, degjojne prej nja 7 vitesh cdo dite se si Ngjela paralajmeron arrestimet e FBI, ne studio te tjera "serioze" te Tiranes, analizojne cdo deklarate te Nuredin Dumanit, thote apo jo te verteten, por Bledian Koka dhe Piranjat qe intervistojne nje italian, i cili pretendon te vertetat e tij, dhe merr pergjegjesi per genjeshtrat, qenkan jo serioze. Me e bukura eshte se italianit i hapen letrat si mashtrues kur ai po thote te tjera gjera. Te ishte keshtu, Falkone e kishte hedh Busheten nga ballkoni i zyres, se fundja vrases ishte,"-shkruhet në postimin e Facebook.

E gjithë historia fillon kështu; rumunët kërkojnë të heqin qafe një incenerator që nuk është aspak rentabël. Për këtë madje janë gati të paguajnë shifrën prej 75 mijë eurosh. Dhe kërkesës së tyre i përgjigjet kompania italiane Bruno Presezzi, me titullar Antonio Presezzi, ortakun e Gabrielës. Ky incenerator u çmontua, dhe u transportua me kamiona në Borato di Morgora, u bë si i ri, dhe pati një tentativë për ta shitur në Zimbabve. Por atje nuk e pranuan pasi atje e kuptuan se diçka nuk ishte "ok". Por për Shqipërinë ishte mirë.

taulant koplikaj inceneratori i tiranes emisioni piranjat

Sondazh

Poll

MË SHUMË