Aktualitet

Me pistoletë dhe dy armë gjahu në banesë, arrestohet 52-vjeçari nga Mati, Policia mori informacione

Në pranga ka përfunduar Afrim Xhetani, për të cilin Policia kishte marrë disa informacione se mbante armë zjarri pa leje.

4 Prill 2023, 09:19 Nga k.m.
Me pistoletë dhe dy armë gjahu në banesë, arrestohet
Armët e gjetura

MAT- Një 52-vjeçar ka përfunduar në prangat e Policisë së Matit, pasi në banesën e tij janë gjetur 2 armë gjahu dhe një pistoletë. Në pranga ka përfunduar Afrim Xhetani, për të cilin Policia kishte marrë disa informacione se mbante armë zjarri pa leje.

NJOFTIMI I PLOTË:

Mat/ Finalizohet operacioni policor i koduar “Derjan”, për goditjen e një rasti të mbajtjes pa leje të armëve të zjarrit. Operacioni, falë inteligjencës informative si rezultat i të cilit u arrestua në flgrancë 52-vjeçari, si dhe u sekuestrua një armë zjarri pistoletë dhe dy armë gjahu. Shërbimet e Komisariatit të Policisë Mat, bazuar në inteligjencë informative se një shtetas posedonte armë zjarri pa leje, kanë organizuar dhe finalizuar operacionin policor të koduar “Derjan ”, si rezultat i të cilit u arrestua në flagrancë shtetasi: A.Xh., 52 vjeç, banues në fshatin Derjan, Mat. Shërbimet e Policisë i gjetën të fshehura një armë zjarri pistoletë dhe dy armë gjahu 'Çifte', të cilat u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Rrethit Gjyqësor Mat, për veprime të mëtejshme.

afrim xhetani operacioni derjan

Sondazh

Poll

MË SHUMË