Politike

'Bashkëpunëtor i Ramës, merr tendera'/ Agron Kapllanaj i përgjigjet Berishës: Më hodhi poshtë sakrificën 32-vjeçare në PD

Agron Kapllanaj tha se Sali Berisha hodhi poshtë të gjithë kontributin e tij 32-vjeçar në këtë parti, por shtoi se nuk do të merret me fyerjet e kundërshtarit. 

3 Prill 2023, 17:45 Nga k.m.
'Bashkëpunëtor i Ramës, merr tendera'/ Agron Kapllanaj
Sali Berisha dhe Agron Kapllanaj

TIRANË- Agron Kapllanaj, kandidat i Enkelejd Aliebajt për Bashkinë Mallakastër duket se nuk i ka pritur mirë akuzat e ngritura ndaj tij nga Partia Demokratike e Sali Berishës. Në një intervistë për "Euronews Albania", Kapllanaj tha se Sali Berisha hodhi poshtë të gjithë kontributin e tij 32-vjeçar në këtë parti, por shtoi se nuk do të merret me fyerjet e kundërshtarit. 

“Nuk është se nuk jam me Berishën se më të kam qenë 32 vite, kam sakrifikuar për të unë dhe gjithë familja ime bashkë me të afërmit e mi. Por ja ku vjen një ditë që të gjitha të hidhen poshtë, harrohen. Tani nuk jam i mirë as për Berishën dhe as për një pjesë të vogël të atyre që e rrethojnë dhe artikulojnë akuza të pavërteta. Por politika shqiptare është e ndërtuar me akuza, fyerje, sharje. Unë s’i përkas kësaj kategori njerëzish në radhë të parë, e më pas as këtij lloj politikani,”- tha Kapllanaj.

PD, nëpërmjet shefit të Organizimit në Partinë Demokratike, Klevis Balliu ka denoncuar se kompania e deputetit Agron Kapllnaja është duke u favorizuar me tendera nga qeveria për të favorizuar fushatën e Alibeajt në Mallakastër. Në një deklaratë për mediat nga selia blu, Balliu tha se kompania e deputetit Kapllanaj, "Shkëlqimi 07 shpk", ka marrë një tender me vlerë 200 milionë lekë, pavarësisht se ka qenë në shkelje të ligjit. Sipas tij, Komisioni Vlerësues i Ofertave nuk e ka skualifikuar edhe pse vlera e tenderit ishte më e ulëta. Ndërsa Berisha vetë e ka cilësuar si bashkëpunëtor të kryeministrit Edi Rama. 

agron kapllanaj sali berisha

Sondazh

Poll

MË SHUMË