Politike

Balluku: ‘Ballkani i hapur’ shpejton reformat, nuk cenon procesin e Berlinit

Po ashtu Balluku është shprehur se procesi i Berlinit i ka shërbyer si urë nxitëse për të realizuar reforma të rëndësishme. 

3 Prill 2023, 16:30 Nga I.A
Balluku: ‘Ballkani i hapur’ shpejton reformat, nuk cenon procesin e
Belinda Balluku

TIRANË- Ministrja e Infrastruktures dhe Enegjisë Belinda Balluku është shprehur se Ballkani i Hapur nuk e zëvëndëson Procesin e Berlinit. Gjatë mbledhjes së sotme të Këshillit Kombëtar për Integrimin Europian, Balluku tha se bashkëpunimi në rajon i jep hov Shqipërisë për të realizuar më shpejt reformat. Po ashtu Balluku është shprehur se procesi i Berlinit i ka shërbyer si urë nxitëse për të realizuar reforma të rëndësishme. 

“Kryesimi i Procesit të Berlinit është jo vetëm një tregues i rolit kyç që Shqipëria ka në rajon, por mbi të gjitha një vlerësim për punën e qeverisë shqiptare, për të çuar përpara  proceset, reformat dhe projektet në të gjithë sektorët jetikë," tha Balluku.

Balluku shtoi se qeveria shqiptare kishte nevojë për krijimin e një aleance dhe ndaj ka ardhur Ballkani i Hapur.

“Gjatë gjithë zbatimit të procesit të Berlinit që ka të bëjë me financimet e buta, proceset e tejzgjatura, të cilat detyrimisht kanë kërkuar nga ne një instrument për të përshpejtuar këtë proces. Qeveria shqiptare pa të arsyeshme krijimin e një aleance që është aleanca e Ballkanit të Hapur," tha ajo.

belinda balluku ballkani i hapur

Sondazh

Poll

MË SHUMË