Politike

Berisha: Rama dhe Agaçi shkelmuan strategjinë 4 mln euro të KE për trajtimin e mbetjeve

Kryedemokrati u shpreh se askush tjetër përveç Ramës dhe Agaçit nuk mund të bërë një shkelje të tillë.

3 Prill 2023, 12:37 Nga A.B
Berisha: Rama dhe Agaçi shkelmuan strategjinë 4 mln euro të KE
Sali Berisha

TIRANË- Kryetari i Partisë Demokratike, Sali Berisha ka denoncuar ditën e sotme se kryeministri Edi Rama dhe Ëngjël Agaçi kanë hedhur poshtë strategjinë e hartuar me financimin e KE për trajtimin e mbetjeve, për të cilin u shpenzuan 4 milionë euro. Gjatë një dalje publike, kryedemokrati u shpreh se askush tjetër përveç Ramës dhe Agaçit nuk mund të bërë një shkelje të tillë. Po ashtu, ai akuzoi sërish kreun e SPAK, duke thënë se nuk po bën asgjë për këto veprime. 

'Unë sot këtu dua të shtroj disa pyetje për shqiptarët. Kush është personi i cili shkelmoi strategjinë e hartuar me financimin e KE për trajtimin e mbetjeve për të cilin u shpenzuan 4 milionë euro, dhe e hodhën në kosh atë? Askush nuk mund ta bënte një gjë të tillë, përveç kryeministrit të Shqipërisë, i cili për krijimin e sipërmarrjes së djegësave, shkelmoi dhe hodhi në kosh strategjinë e trajtimit të mbetjeve, e trajtuar nga KE.

Cili autoritet mund të hidhte në kosh shkresat zyrtare të agjencisë publike të prukurimeve të firmosura nga drejtori, Edmond Ahmeti, se kontrata me negociata të mbyllura është antiligjore, dhe se nuk ekziston në legjislacionin e Shqipërisë. Një akt të tillë kriminal ka kryer Edi Rama dhe Engjëll Agaçi. Askush tjetër nuk mund të bënte një shkelje të tillë, por edhe kjo mbrohet dhe injorohet nga SKAP-i i partisë.

Cili është personi që kaloi 17 procedura në 24 orë, në mënyrë të rrufeshme për Inceneratorin e Elbasanit. Arben Ahmetaj thotë që: unë nuk mund ta lëvizja qeverinë. E vërteta është që qeverinë mund ta lëvizë vetëm një njeri, dhe ky quhet Edi Rama. Ndaj edhe Dumani nuk i gjen dot pronarët fundorë të Inceneratorit të Tiranës.'- tha Berisha.

sali berisha

Sondazh

Poll

MË SHUMË