Aktualitet

41.7 kg heroinë, 31-vjeçari justifikohet: U nisa për porosinë e motrës, ma futën në makinë!

31-vjeçari ka deklaruar para uniformave blu se nuk ishte në dijeni për lëndën narkotike, madje shton se mendon që ia kanë futur në makinë.

3 Prill 2023, 12:17 Nga k.m.
41.7 kg heroinë, 31-vjeçari justifikohet: U nisa për
Armando Papa

TIRANË- Armando Papa, i kapur me 41.7 kg heroinë në makinën e tij, pretendon se nuk e ka idenë se kush ia ka lënë në mjet. Kur ka kaluar 2 ditë në paraburgim, 31-vjeçari ka deklaruar para uniformave blu se nuk ishte në dijeni për lëndën narkotike, madje shton se mendon që ia kanë futur në makinë. Ai tha se po shkonte në Rinas për të dërguar një porosi të së motrës.

“Kisha marrë një porosi nga motra t’ia çoja në Rinas. Mi futën në makinë dhe më thanë “ik”. Kurohem në mënyrë të vazhdueshme, pasi vuaj nga epilepsia. Ngarkesën ma kanë futur në makinë pranë mbikalimit të Rinasit, më kanë ngatërruar,"-është shprehur ai. Ndërkohë që avokati i tij mbrojtës, ka kërkuar që klienti i tij të lirohet pasi nuk është në kushte që të qëndrojë pas hekurave të burgut. 

31-vjeçari nga Fushë Kuqja u kap të shtunën, pasi Policisë së Shtetit i kishin shkuar informacione që një sasi e madhe i ishte dorëzuar Papës. Ky i fundit ra në pranga, ndërsa Roland Guzi nga Sukthi është shpallur në kërkim nga Policia. Deri më tani dyshohet se droga vinte nga Turqia dhe porositës i saj të jetë një eksponent i njohur i trafikut të narkotikëve në zonën e Kurbinit. Por vetë Papa nuk ka folur asnjë fjalë. 

armando papa

Sondazh

Poll

MË SHUMË