Aktualitet

"Informimi"/ Mbante kallashnikov pa leje, arrestohet 17-vjeçari në Krujë, i zbulohen 30 fishekë luftarak në banesë

Pas kontrollit në banesë iu është zbuluar një krehër arme dhe 30 fishekë luftarak.

3 Prill 2023, 11:34 Nga A.B
"Informimi"/ Mbante kallashnikov pa leje, arrestohet 17-vjeçari
Arma

KRUJË- Arrestohet një 17-vjeçar në kuadër të operacionit të koduar 'Informimi". Policia bën të ditur se i riu mbante një armë zjarri kallashnikov pa leje në banesë. Pas kontrollit në banesë iu është zbuluar një krehër arme dhe 30 fishekë luftarak, të cilat u sekuestruan në cilësinë e provës materiale.

NJOFTIMI I POLICISË:

Krujë / Finalizohet operacioni policor i koduar “Informimi”, për goditjen e një rasti të mbajtjes pa leje të armëve të zjarrit. Operacioni, falë inteligjencës informative, u finalizua me vënien në pranga të një 17-vjeçari, si dhe me sekuestrimin e një arme zjarri kallashnikov dhe një sasie municioni luftarak. Shërbimet e Komisariatit të Policisë Krujë, me mbështetjen e inteligjencës informative, për një rast të mbajtjes pa leje të armëve të zjarrit, kanë organizuar dhe finalizuar operacionin policor të koduar “Informimi”, si rezultat i të cilit u arrestua në flagrancë shtetasi:

S. C., 17 vjeç, banues në fshatin Borizanë, Krujë. Shërbimet e Policisë gjetën një armë zjarri kallashnikov, krehër arme dhe 30 fishekë luftarak, të cilat u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme.

kruje

Sondazh

Poll

MË SHUMË