Aktualitet

Raporti i SPAK: 5 mijë persona u vunë nën përgjim në 2022-shin, të përfshirë në korrupsion, trafik droge e ngjarje kriminale

Nga këto përgjime, SPAK ka vënë në pranga dhe masa të tjera sigurimi, 160 persona.

2 Prill 2023, 22:56 Nga DOSJA
Raporti i SPAK: 5 mijë persona u vunë nën përgjim në
Foto Ilustruese

TIRANË- 5 mijë persona u mbajtën në përgjim gjatë vitit 2022 nga Prokuroria e Posaçme dhe ato të rretheve në kuadër të hetimeve penale. Ky numër shënon rritje në krahësim me një vit më parë ku numri i personave të përgjuar nga SPAK ka qenë më i ulët.

Të dhënat e Prokurorisë së Posaçme tregojnë se gjatë vitit që lamë pas u vunë në përgjim 2177 persona dhe kërkesat për përgjime janë bërë më së shumti për hetimet mbi korrupsionin.

Pjesa tjetër janë për ato persona të implikuar në grup të strukturuar kriminal në fushën e trafikut të lëndëve narkotike.

Nga këto përgjime, SPAK ka vënë në pranga dhe masa të tjera sigurimi, 160 persona.

Prokuroritë e Rretheve kanë pasur gjatë 2022, 3089 persona në përgjim të vënë në bazë të 1312 vendimeve të gjykatës.

Referuar të dhënave në raportin vjetor, 40% e të përgjuarve kanë qenë të implikuar në çështje të drogës, 23% e tyre janë dyshuar për vepra penale kundër jetës, 11% si të përfshirë në korrupsion.

Pjesa tjetër në vepra penale të ndryshme. Si rezultat i këtyre përgjimeve, gjatë 2022 në pranga kanë rënë 585 persona.

Marrë nga TVKLAN

raporti i spak 2022

Sondazh

Poll

Aktualitet 2 Prill 2023, 19:51 F.M

Aksident me vdekje në Astir

Foto Ilustruese TIRANË- Një aksident i rëndë ka ndodhur këtë mbrëmje në Tiranë. Në një njoftim zyrta...

MË SHUMË