Politike

Shqiptari arrestohet me çaj mali në Britani, Rama: Se di si do ta përballonte Sunak nëse një britanik do të arrestohej në Shqipëri

Edi Rama kërkon që ‘persekutorët’ e shqiptarit Agim Agaj duhet të mbajnë përgjegjësi për këtë situatë.

1 Prill 2023, 13:52 Nga k.m.
Shqiptari arrestohet me çaj mali në Britani, Rama: Se di si do ta
Agim Agaj

TIRANË- Kryeministri Edi Rama ka reaguar pas lajmit që u publikua në media se një shqiptar në Britani të Madhe u mbajt për 15 orë në qeli pasi efektivët ngatërruan çajin e malit që ai kishte në makinën e tij me kanabis. Rastin, Rama e cilëson si një situatë të dëshpëruese. Përmes një postimi në "Twitter", Rama kërkon që ‘persekutorët’ e shqiptarit Agim Agaj duhet të mbajnë përgjegjësi për këtë situatë.

"Të gjithë e dimë përgjigjen, por ajo që nuk jam i sigurt është se si miku im Rishi Sunak do ta përballonte nëse një shtetas britanik do të arrestohej në Shqipëri për bartjen e çajit anglez dhe do të akuzohej si tregtar droge! Kjo situatë është dëshpëruese dhe persekutorët e Agimit duhet të mbajnë përgjegjësi!

Ju bëj thirrje ta lexoni të plotë dhe ju falënderoj shumë autorët e asaj historie të trishtë, jo vetëm në emër të Agimit dhe shqiptarëve, por edhe për ndriçimin e vështirësive me të cilat përballen trimat që kanë emigruar në këtë vend të madh.

Shqipëria është plotësisht e përkushtuar për të ofruar gjithçka që është e nevojshme për një luftë të suksesshme kundër rrjeteve kriminale. Megjithatë, nëse Britania nuk mund të tregojë respekt për komunitetin shqiptar me veprime dhe jo me fjalë, si mund të presim bashkëpunim të suksesshëm midis qeverive tona?,"-tha Rama.

Gjithashtu, ndër të tjera, Rama ka ngritur edhe një pyetje për homologun e tij Rishi Sunak, për të cilin shkruan se nuk e di se si do të ndihej ai nëse një situatë e tillë do t’i ndodhte një shtetasi britanik.

agim agaj edi rama

Sondazh

Poll

MË SHUMË