Aktualitet

Në kërkim të anëtarëve të bandave kriminale/ FNSH kontrolle në Vlorë, gjendet pistoletë dhe 39 mijë euro në banesën e Rodrigo Shemshos

Ambientet dyshohet se përdoreshin nga pjesëtarë të grupeve të ndryshme kriminale. Në banesën e Rodrigo Shemshos janë gjetur dhe sekuestruar 39 mijë euro.

1 Prill 2023, 12:53 Nga k.m.
Në kërkim të anëtarëve të bandave kriminale/ FNSH
Pamje nga aksionit

VLORË- Forca e Posaçme Operacionale dhe disa grupe të Forcave të Ndërhyrjes së Shpejtë, kanë zbarkuar këtë të shtunë në qytetin e Vlorës, ku kanë kryer kontrolle në ambiente të ndryshme. Ambientet dyshohet se përdoreshin nga pjesëtarë të grupeve të ndryshme kriminale. Në banesën e Rodrigo Shemshos janë gjetur dhe sekuestruar 39 mijë euro. Po ashtu, në banesë është gjetur edhe 1 armë zjarri pistoletë me fishek në fole, gati për qitje dhe municion luftarak. Ndaj në kërkim u shpall pronari i banesës.

NJOFTIMI I POLICISË SË SHTETIT: 

 
 
 
 
 
View this post on Instagram
 
 
 
 
 
 
 
 
 
 
 

A post shared by Policia e Shtetit Shqiptar (@policiaeshtetitshqiptar)

DVP Vlorë/Kontrolle intensive të befasishme, për kapjen e shtetasve me rekorde të theksuara penale, me qëllim parandalimin e ngjarjeve të rënda kriminale. Forca e Posaçme Operacionale dhe disa grupe të FNSh-së, kontrolle në ambiente të ndryshme, të dyshuara të përdorura nga pjesëtarë të grupeve të ndryshme kriminale. Sekuestrohen në banesën e pjesëtarit të një grupi kriminal, 39000 euro të dyshuara të përfituara nga veprimtaria e grupit kriminal, si dhe një armë zjarri pistoletë me fishek në fole, gati për qitje.

Shpallet në kërkim pronari i banesës, pjesëtar i një grupi kriminal me veprimtari në fushën e krimeve të rënda kundër personit.

Strukurat hetimore dhe ato operacionale të DVP Vlorë, në bashkëpunim me disa grupe të FNSh-së, në zbatim të planit të masave të hartuar nga Policia e Shtetit për të mbajtur në kontroll situatën kriminale, për të goditur rastet e mbajtjes së armëve të zjarrit, me qëllim parandalimin e ngjarjeve kriminale, si dhe për kapjen e shtetasve me rekorde penale në kuadër të grupeve kriminale, kanë kryer kontrolle të befasishme në disa ambiente (kryesisht banesa) që dyshohet se përdoren nga pjesëtarë të grupeve kriminale.

Shërbimet e Policisë gjatë kontrollit në banesën e pjesëtarit të një grupi kriminal me veprimtari në fushën e krimeve të rënda kundër personit, në lagjen “Pavarësia”, gjetën dhe sekuestruan në cilësinë e provës materiale, 1 armë zjarri pistoletë me fishek në fole, gati për qitje, municion luftarak dhe shumën 39 000 euro, të dyshuara të përfituara nga veprimtaria e këtij grupi kriminal.

Në vijim të veprimeve procedurale, u shpall në kërkim shtetasi R. Sh., 33 vjeç, banues në Vlorë, për veprat penale “Mbajtja pa leje dhe prodhimi i armëve, armëve shpërthyese dhe municionit”, “Pastrimi i produkteve të veprës penale ose veprimtarisë kriminale” dhe “Fshehja e të ardhurave”. Vijon puna për lokalizimin dhe kapjen e këtij shtetasi. Kontrollet intensive do të vijojnë në të gjithë qarkun, me qëllim parandalimin dhe goditjen e veprimtarive kriminale. Materialet procedurale i kaluan Prokurorisë, për veprime të mëtejshme.

rodrigo shemsho vlore

Sondazh

Poll

MË SHUMË