Politike

Kryebashkiaku i Kuçovës i dënuar në Greqi? Çuçi i del në mbrojtje: Tentuan ta bënin pis! Kundërshtarët tanë janë për të ardhur keq

Ministri u shpreh se duhet dënuar sjellja e atyre që përhapin lajme të tilla. Në fund, i bindur, Çuçi deklaroi se PS do fitojë në Kuçovë.

31 Mars 2023, 18:29 Nga A.B
Kryebashkiaku i Kuçovës i dënuar në Greqi?
Bledi Çuçi

KUÇOVË- Ministri i Brendshëm dhe njëherazi drejtuesi politik i socialistëve në qarkun Berat, Bledi Çuçi, foli për dënimin e kryebashkiaku aktual i Kuçovës dhe kandidati i PS-së në zgjedhjet e 14 majit, Kreshnik Hajdari, i cili rezultonte i dënuar në Greqi për kalim të paligjshëm të kufirit. Gjatë një takimi me strukturat e Partisë Socialiste në Kuçovë, Çuçi i mohoi akuzat, madje u shpreh se kundërshtarët e PS-së po përpiqen që të hedhin baltë mbi kandidatët. Më tej, ministri u shpreh se duhet dënuar sjellja e atyre që përhapin lajme të tilla. Në fund, i bindur, Çuçi deklaroi se PS do fitojë në Kuçovë.

“Kundërshtarët tanë janë për të ardhur keq, janë akoma në nivelin e viteve ’90. Ai gjest i djeshëm që ata tentuan të bëjnë pis kryetarin tonë të bashkisë, është për t’u përçmuar nga e gjithë shoqëria.

“Kjo na bën që të refuzoni më shumë alternativën e tyre. Me votën plebishitare të Kuçovës t’i japim fitoren Partisë Socialiste. Të gjithë ne duhet ta dënojmë me forcë këtë gjest. Fitorja e PS në Kuçovë është e sigurt”

Kryebashkiaku Hajdari rezultoi se fshehu dënimin në formularin për dekriminalizimin, një detyrim ligjor për të treguar problemet me drejtësinë në të shkuarën. Në një reagim publik dje, ai tha se ishte larguar në emigrim për shkak të qeverisjes së Sali Berishës në ato vite dhe se nuk ka patur dijeni për dënimin nga Gjykata  e Janinës./Dosja.al

bledi cuci kreshnik hajdari

Sondazh

Poll