Aktualitet

Dy plagosje me thikë, vjedhje targash dhe karburanti, ç'ndodhi në Tiranë në 24 orët e fundit

Ndërsa,  F. T., 32 vjeç, dhe A. H., 40 vjeç, të dy banues në Tiranë, janë arrestuar pasi kanë vjedhur targat e një automjeti, si dhe janë larguar pa kryer pagesën pas furnizimit të automjetit, në një pikë karburanti. 

31 Mars 2023, 11:41 Nga F.M
Dy plagosje me thikë, vjedhje targash dhe karburanti, ç'ndodhi
Policia e Tiranës

TIRANË- Policia e Tiranës ka bërë bilancin e të arrestuarve në 24 orët e fundit. Në njoftimin e policisë bëhet me dije se është vënë në pranga një 15-vjeçar që një ditë më parë ka plagosur bashkëmoshatarin e tij me thikë. Ngjarja ndodhi në një shkollë në Paskuqan. Një 20-vjeçar është prangosur gjithashtu për plagosje. Ndërsa,  F. T., 32 vjeç, dhe A. H., 40 vjeç, të dy banues në Tiranë, janë arrestuar pasi kanë vjedhur targat e një automjeti, si dhe janë larguar pa kryer pagesën pas furnizimit të automjetit, në një pikë karburanti. 

Njoftim i policisë Tiranë: Vihen në pranga 5 shtetas dhe procedohet penalisht 1 tjetër, për vepra të ndryshme penale. Specialistët për Hetimin e Krimeve të Komisariatit të Policisë Nr. 2 arrestuan shtetasit: - A. B., 20 vjeç, banues në Tiranë, pasi ka goditur me mjet prerës, për motive të dobëta,  shtetasin E. T., 18 vjeç, banues në Tiranë, i cili ndodhet në spital, në kujdesin e mjekëve;- K. Sh., 21 vjeç, si dhe nisi procedimi në gjendje të lirë për shtetasin F. Z., 25 vjeç, të dy banues në Tiranë, pasi në rrugën "Qerazim Qirjazi", kanë hedhur në tokë, një mjet prerës thikë, kur kanë parë shërbimet e Policisë. Pas verifikimeve të kryera ka rezultuar se shtetasi K. Sh. kishte thyer masën e sigurisë "Arrest në shtëpi".   Specialistët për Hetimin e Krimeve të Komisariatit të Policisë Nr. 5 arrestuan një shtetas të mitur 15 vjeç, pasi ditën e djeshme, në Paskuqan, ka goditur me mjet prerës, një bashkëmoshatar të tij, i cili ndodhet në spital, në kujdesin e mjekëve. Specialistët për Hetimin e Krimeve të Komisariatit të Policisë Nr. 6 arrestuan shtetasit F. T., 32 vjeç, dhe A. H., 40 vjeç, të dy banues në Tiranë, pasi kanë vjedhur targat e një automjeti, si dhe janë larguar pa kryer pagesën pas furnizimit të automjetit, në një pikë karburanti. Materialet i kaluan Prokurorisë, për veprime të mëtejshme.

policia e tiranes

Sondazh

Poll

MË SHUMË