Politike

Meta: Shëndetësia në kolaps! Qeveria abuzoi me tendera sekret në emër të pandemisë

Gjatë një tryeze për shëndetësinë, Meta u shpreh se pandemia e Covid testoi sistemin mjeksor në Shqipëri dhe vërtetoi se sa pas ishim ne si vend.

31 Mars 2023, 11:33 Nga I.A
Meta: Shëndetësia në kolaps! Qeveria abuzoi me tendera sekret
Ilir Meta

TIRANË- Kreu i Partisë së Lirisë ka deklaruar se shëndetësia në Shqipëri është në kolaps total. Gjatë një tryeze për shëndetësinë, Meta u shpreh se pandemia e Covid testoi sistemin mjeksor në Shqipëri dhe vërtetoi se sa pas ishim ne si vend. Po ashtu Meta theksoi se qeveria ka abuzuar me tendera sekret në emër të pandemisë. 

“Shëndetësia para se të kërkojë para, kërkon zemër. Kërkon zemër në qendër të vendimeve që do të marrim. Ta mendojmë si njerëz që kanë probleme shëndetësore. Nuk ka gjë më të rëndësishme si shëndeti. Kujtohemi shpesh për shëndetin kur e humbasim, ose kur e kemi në momente kritike. Politikat parandaluese janë më të favorshme për shtetin. Lekët janë për shëndetin. Një shtet i përgjegjshëm e ka prioritet shëndetin. COVID-19 testoi sistemin tonë shëndetësor dhe atë rreth nesh dhe tregoi se kemi mjekë të jashtëzakonshëm, dhe infermierë të jashtëzakonshëm që u sollën si heronj. Një pjesë e tyre për fat të keq humbën jetën në këtë betejë. Kjo gjë tregoi jo vetëm humanizmin e mjekëve, por njëkohësisht tregoi çorganizimin e sistemit tonë shëndetësor. Tanket dilnin për të penguar virusin, një herë thuhej; vini maskat dhe një herë jo. Pesha e shpenzimeve të shqiptarëve u rritën shumë pasi u mbyll gjithçka. U harxhuan 270 mln euro nga familjet shqiptare për të përballuar këto kosto. Shëndetësia është në kolaps të frikshëm për shkak të një politike të frikshme, këtë gjë e tregoi dhe pandemia se si u manipuluan shifrat e vdekjeve. U bënë tendera sekretë për përballimin e kësaj pandemie. Duhet të vendosim zemrën në gjithë vendimmarrjen tonë për sa i takon shëndetit”, tha Meta.

ilir meta

Sondazh

Poll

MË SHUMË