Aktualitet

"NON GRATA"/ SHBA kufizon vizat për mbi 80 zyrtarë të huaj, s'lejohen të futen në territorin amerikan për shkak të korrupsionit

Ata janë zyrtarë që veprojnë në Amerikën Qendrore, Afrikë, Ballkanin Perëndimor dhe Europën Lindore.

30 Mars 2023, 17:29 Nga A.B
"NON GRATA"/ SHBA kufizon vizat për mbi 80 zyrtarë të
DASH

TIRANË- Departamenti Amerikan i Shtetit ka shpallur "non grata" rreth 80 ish-zyrtarë dhe zyrtarë të lartë, të cilët akuzohen për korrupsion. Sipas njoftimit të bërë publik ditën e sotme, këto persona (duke mos përmendur emra) skualifikohen për të hyrë në territorin amerikan për shkak të korrupsionit. 

Ata janë zyrtarë që veprojnë në Amerikën Qendrore, Afrikë, Ballkanin Perëndimor dhe Europën Lindore.

"Departamenti i Thesarit përcaktoi dhjetëra individë dhe subjekte për përfshirjen e tyre në korrupsion, përfshirë zyrtarë të tanishëm ose të mëparshëm në Amerikën Qendrore, Afrikë, Ballkanin Perëndimor dhe Europën Lindore. Më tej, Departamenti i Shtetit vendosi publikisht kufizime vizash për mbi 80 zyrtarë të huaj të mëparshëm apo të tanishëm dhe anëtarët e ngushtë të familjes, çka si rregull i skualifikon për të hyrë në SHBA për shkak të korrupsionit domethënës, si dhe të tjerë sipas Aktit të Angazhimit të Përmirësuar të Trekëndëshit të Veriut-Shtetet e Bashkuara. Për të zgjeruar ndikimin e këtyre mjeteve, ne u bashkërenduam me partnerë të huaj përmes nismave të tilla si ajo për Demokracitë kundër Strehave të Sigurta (DASH) dhe këshilluam qeveritë e huaja për miratimin e mekanizmave të ngjashëm." - Shtëpia e Bardhë

dash amerike sanksione

Sondazh

Poll

MË SHUMË