Politike

Rritja e rrogave/ Meta: Rama manipulon, kemi pagat më të ulëta në rajon

Meta tha se këto janë premtime boshe ndërsa e akuzoi kryeministrin si të korruptuar që ka falimentuar shtetin dhe bashkitë e vendit.

30 Mars 2023, 12:00 Nga f.g
Rritja e rrogave/ Meta: Rama manipulon, kemi pagat më të ulëta
Ilir Meta, kryetar i PL

TIRANE- Kryetari i Partisë së Lirisë, Ilir Meta akuzoi kryeministrin Edi Rama se është duke manipuluar qytetarët me vendimin për rritjen e pagës minimale dhe shpërblimin për pensionistët. Meta tha se këto janë premtime boshe ndërsa e akuzoi kryeministrin si të korruptuar që ka falimentuar shtetin dhe bashkitë e vendit.

Ilir Meta: Pas 10 vitesh në qeverisje ai doli sërish me premtime boshe. Ajo që qytetarët shqiptarët kanë provuar është se qeveria Rama ka rritur në mënyrë tronditëse koston e jetesës, kurse pagat dhe pensionet kanë parë rritjen më të ulët ndonjëherë. Nëse në 2012-2013 pensionet në qytet u rritën 70%, ky që mashtron sot i rriti vetëm 20%. Të gjithë shqiptarët e kanë provuar qeverisjen tij të korruptuar, me rritjen stratosferike të çmimeve që vazhdon. Pse Rama priti muajin prill për dhënien e lëmoshës për pensionistët?! Kur të ardhurat i kishte që në fund të dhjetorit 2022 dhe duhej t’i shpërndante brenda atij viti. Edi Rama dhunon hapur Kodin Zgjedhor me këto mashtrime elektorale, por kjo nuk ia ndryshon dot humbjen. Thyerja e Kodit tregon vetëm dëshpërimin e tij, për dhjetë vite mashtrime e punë të pabëra. Në rast se Rama do të donte të rriste vërtet pagat ai kishte mundësi që në shtator të miratonte projektligjin e PL për indeksimin e pagave në përputhje me rritjen ekonomike dhe inflacionin. Në 14 maj jam i bindur se qytetarët do t’i japin ndëshkimin e merituar mashtrimeve të Edi Ramës. Kryeministrit dhe qeverisjes më të korruptuar në Evropë që ka falimentuar në këto vite, që ka i ka pasur 100% të bashkive dhe këshillave bashkiake duke i shkatërruar e falimentuar disa nga bashkitë që duhet të ishin më të pasurat.

Deklarata vjen një ditë pasi kryeministri Edi Rama njoftoi rritjen e pagës minimale nga 1 prilli. Paga minimale do të jetë 40 mijë lekë të reja. Ndërkohë që për pensionistët, qeveria do të japë 5 mijë lekë bashkë me pensionin. Këto vendime janë parë si lëvizje elektorale por kryeministri dhe KQZ kanë deklaruar se Kodi  Zgjedhor parashikon kufizime të qeverisë vetëm për zgjedhjet e përgjithshme./Dosja.al

edi rama ilir meta vendimet e qeverise 29 mars 2023

Sondazh

Poll

MË SHUMË