Aktualitet

S'ka qetësi! Tjetër plagosje, kësaj here tek "Komuna e Parisit"/ Sherr mes adoleshentëve, plagoset njëri, prangoset autori

Policia e Shtetit ka bërë me dije se një 20-vjeçar i identifikuar si Arli Beta ka goditur me mjet prerës një të ri tjetër, të identifikuar si E.T., 19-vjeç.

29 Mars 2023, 21:50 Nga k.m.
S'ka qetësi! Tjetër plagosje, kësaj here tek "Komuna e
Foto ilustruese

TIRANË- Një sherr banal mes adoleshentëve në Tiranë për pak sa nuk ka përfunduar në një tjetër tragjedi. Pas vrasjes në Kavajë dhe vetëvrasjes në Elbasan, një plagosje ka ndodhur në Tiranë. Policia e Shtetit ka bërë me dije se një 20-vjeçar i identifikuar si Arli Beta ka goditur me mjet prerës një të ri tjetër, të identifikuar si E.T., 19-vjeç. Si pasojë e konfliktit, Tuçe ka mbetur i plagosur rëndë dhe tashmë ndodhet në spital, nën kujdesin e mjekëve.

Ngjarja e rëndë ka ndodhur në një qendër lojërash kompjuterike në rrugën “Bilal Golemi”, në zonën e Komunës së Parisit. Po ashtu, është bërë me dije se Policia ka mundur që të vendosë në pranga autorin e ngjarjes, i cili është dërguar në Komisariatin nr. 2. Ndërkohë që i riu është në spital, në gjendje të rëndë, por jashtë rrezikut për jetën.

NJOFTIMI I POLICISË:

Tiranë

Plagosi me thikë një 19-vjeçar, falë reagimit të menjëhershëm të shërbimeve të Komisariatit të Policisë Nr. 2, kapet dhe shoqërohet në komisariat autori i dyshuar.

Shërbimet e Komisariatit të Policisë Nr. 2 pas informacioneve të marra për një konflikt me mjete prerëse në Komunën e Parisit, gjatë të cilit shtetasi A. B., kishte goditur me mjet prerës shtetasin E. T., 19 vjeç, menjëherë kanë organizuar punën për kapjen e autorit të dyshuar dhe vënien e tij përpara përgjegjësisë ligjore. Në vijim të veprimeve u bë shoqërimi i autorit të dyshuar shtetasit A. B., 20 vjeç, banues në Tiranë, i cili gjatë një konflikti për motive të dobëta, ka goditur me mjet prerës shtetasin E. T. Si pasojë e konfliktit, shtetasi E. T., është dëmtuar dhe ndodhet në spital, nën kujdesin e mjekëve. Grupi hetimor po punon për sqarimin e rrethanave të ngjarjes.

arli beta tirane

Sondazh

Poll

MË SHUMË