Aktualitet

Arrestohen babë e bir në Shijak, kapen me armë në banesë e makinë

Arma e zjarrit dhe armët e ftohta u sekuestruan në cilësinë e provës materiale.

29 Mars 2023, 11:18 Nga F.M
Arrestohen babë e bir në Shijak, kapen me armë në
Armët e sekuestruara

DURRËS- Babë e bir janë vënë në pranga pasi janë kapur me armë zjarri. Në njoftimin zyrtar të policisë bëhet me dije se Gjelosh Hajdari 52 vjeç dhe Armando Hajdari 21 vjeç, babë e bir, banues në fshatin Pjezgë, Shijak, u arrestuan pasi në banesën e tyre u gjet 1 armë zjarri pistoletë. Ndërsa në automjetin me të cilin qarkullonte 21-vjeçari, u gjetën 2 armë të ftohta (dorezë dhe shkop metalik). Arma e zjarrit dhe armët e ftohta u sekuestruan në cilësinë e provës materiale.

Njoftimi i policisë Shijak, Durrës

Falë inteligjencës informative, finalizohet operacioni policor i koduar “Pjezga”. Sekuestrohen 1 armë zjarri dhe 2 armë të ftohta (pistoletë, dorezë dhe shkop metalik). Të pajisur me armë zjarri dhe me armë të ftohta, arrestohen në flagrancë 2 shtetas (babë e bir). Arma e zjarrit u gjet në banesën e këtyre shtetasve, ndërsa armët e ftohta, në automjetin me të cilin qarkullonte 21-vjeçari. Shërbimet e Komisariatit të Policisë Shijak, me mbështetjen e pandërprerë të inteligjencës informative, me qëllim parandalimin dhe goditjen e fenomeneve kriminale, kanë siguruar informacion se 2 shtetas (babë e bir) mbanin pa leje armë zjarri dhe armë të ftohta. Menjëherë është organizuar puna dhe në kuadër të operacionit policor të koduar “Pjezga”, është goditur një rast tjetër i kësaj veprimtarie kriminale.

Në kuadër të këtij operacioni, janë arrestuar në flagrancë shtetasit Gj. H., 52 vjeç dhe A. H., 21 vjeç, babë e bir, banues në fshatin Pjezgë, Shijak. Në banesën e këtyre shtetasve, shërbimet e Policisë gjetën 1 armë zjarri pistoletë, ndërsa në automjetin me të cilin qarkullonte 21-vjeçari, u gjetën 2 armë të ftohta (dorezë dhe shkop metalik). Arma e zjarrit dhe armët e ftohta u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme.

policia e durresit gjelosh hajdari armando hajdari

Sondazh

Poll