Aktualitet

Nxorën listën e pagave, dënohen me shërbim prove 4 të akuzuarit

4 zyrtarët u liruan nga burgu në janar të vitit të kaluar.

29 Mars 2023, 10:40 Nga F.M
Nxorën listën e pagave, dënohen me shërbim prove 4 të
Andi Agaraj, Klodian Sota dhe Endri Ikonomi

TIRANË- Katër të akuzuarit se kanë nxjerrë listat me pagat e qytetarëve janë dënuar me shërbim prove. Vendimi është dhënë sot nga Gjykata e Tiranës.

Lista me të dënuarit:

Eni Qirjako, 32 muaj shërbim prove;

Andi Agaraj, 4 vite shërbim prove;

Klodian Sota, 32 muaj shërbim prove;

Endri Ikonomi, 32 muaj shërbim prove.

4 zyrtarët u liruan nga burgu në janar të vitit të kaluar. Qirjako u la në masën e sigurisë ‘detyrim paraqitje’, ndërsa në ‘arrest shtëpie’ u lanë tre të tjerët, eksperti i IT te Tatimet, Andi Agaraj dhe dy përmbaruesit privatë Klodian Sota dhe Endri Ikonomi.

Qirjako dhe Agaraj vendosën të bëhen bashkëpunëtorë të drejtësisë, duke bërë me dije detaje lidhur me skandalin. Qirjako tregoi skemën se si dolën të dhënat personale nga serverat e zyrave të shtetit duke përfunduar në rrjetet sociale. Ajo rrëfeu se ishte kolegu i saj Andi Agraj, ai që i kishte kërkuar që të riformatonte kompjuterin për të humbur gjurmët e kërkimeve në rrjet.

skandali i pagave eni qirjako andi agaraj klodian sota endri ikonomi

Sondazh

Poll

MË SHUMË