Aktualitet

Vidhte makina LUKSOZE duke mashtruar, Policia e Shkodrës shpall në kërkim nipin e Agron Çelës

Mjetet, fillimisht u merreshin përmes mashtrimit personave të ndryshëm, e më pas çoheshin për shitje në një pikë shitjeje të automjeteve.

28 Mars 2023, 20:56 Nga k.m.

Vidhte makina LUKSOZE duke mashtruar, Policia e Shkodrës shpall në
Agron Çela

SHKODËR- Policia e Shtetit ka shpallur në kërkim për mashtrim, nipin e deputetit (tashmë) të Partisë Socialiste, Agron Çela, Gentian Çela. Ky i fundit po kërkohet nga uniformat blu të vendit, pasi akuzohet se në bashkëpunim me Ervin Çobaj përvetësonin automjete luksoze që ua merrnin pronarëve. 

Mjetet, fillimisht u merreshin përmes mashtrimit personave të ndryshëm, e më pas çoheshin për shitje në një pikë shitjeje të automjeteve. Fitimet i mbanin për vete. Në gjendje të lirë po hetohet edhe 44 vjeçari me inicialet B. H, i cili ishte në dijeni të aktivitetit të kundërligjshëm, por vijonte ti përvetësonte këto mjete e më pas i shiste me çmime më të larta.

Ndërkohë që që me iniciale u zbuluan edhe 2 personat e tjerë, por Syri.net, mësoi se bëhej fjalë për nipin e deputetit që fitoi mandatin e tij me Lëvizjen Socialiste për Integrim. 

Gjatë aksionit të Policisë, në cilësinë e provës materiale, u sekuestruan 6 automjete luksoze të tipeve ‘Audi’, ‘Mercedes-Benz’ dhe ‘Porsche’, por teksa në pranga u vu 22-vjeçari Ervin Çobaj, nipi i deputetit nuk mundi që të prangosej. Për të zbardhur edhe shumë raste të tjera, Policia i ka bërë apel qytetarëve që të denoncojnë nëse janë mashtruar nga Gentian Çela apo Ervin Çobaj.

agron cela shkoder gentian cela

Sondazh

Poll

MË SHUMË