Aktualitet

I riu dhunoi policin në “Astir”/ Policia: Po pinte hashash, u kap më vonë nga efektivët e tjerë

Nga videoja dallohej qartë që dy efektivët ishin vënë në ndjekje të dy të rinjve, por këta të fundit i ikën nga duart.

28 Mars 2023, 17:58 Nga k.m.
I riu dhunoi policin në “Astir”/ Policia: Po pinte hashash, u
Pamje nga videoja

TIRANË- Policia e Shtetit ka bërë me dije detaje lidhur me videon e publikuar mbrëmje ku një i ri kishte dhunuar me grushta një efektiv policie. Nga videoja dallohej qartë që dy efektivët ishin vënë në ndjekje të dy të rinjve, por këta të fundit i ikën nga duart. Pas publikimit të videos, Policia bën me dije se kur ka ndodhur përplasja, dy vëllezërit që kanë dhunuar efektivët e Policisë janë shoqëruar në komisariat pasi janë kapur nga kolegët e uniformave blu. E gjitha ka nisur pasi dy vëllezërit, njëri 22 vjeç dhe tjetri 26 vjeç janë konstatuar duke pirë lëndë narkotike (hashash).

Sqarim i DVP Tiranë

Në lidhje me një video të publikuar në portale, në të cilën shfaqet një shtetas që kundërshton me forcë një punonjës policie, ju sqarojmë se për arrestimin e shtetasit që shfaqet në video është dhënë njoftimi zyrtar për mediat, më datë 26 mars, si më poshtë: Specialistët për Hetimin e Krimeve të Komisariatit të Policisë Nr. 6 arrestuan shtetasin F. S., 22 vjeç, banues në Tiranë, për veprën penale "Kundërshtimi i punonjësit të policisë së rendit publik". Gjithashtu, për këtë rast, ka nisur procedimi në gjendje të lirë, për vëllanë e 22-vjeçarit, shtetasin Xh. S., 26 vjeç, banues në Tiranë.

Rrethanat: Më datë 25.03.2023, rreth orës 23:00, në rrugën "Aleksandri i Madh", në Unazë të Re, shërbimet e Patrullës së Përgjithshme kanë konstatuar shtetasit F. S. dhe Xh. S. (vëllezër), të cilët dyshohet se kanë qenë duke konsumuar lëndë narkotike kanabis. Në momentin e ndërhyrjes së Policisë, shtetasi Xh. S. është larguar me vrap, ndërsa shtetasi F. S., gjatë ndalimit, ka kundërshtuar me forcë punonjësin e Policisë. Shtetasi F. S. ka mundur të largohet, por pas ndërhyrjes së shërbimeve të tjera të Policisë, është kapur, së bashku më vëllanë e tij, dhe më pas janë kryer veprimet procedurale, në drejtimin e Prokurorisë.

Nga pamjet e djeshme, dukej qartë se efektivi kërkoi ta ndalonte të riun, që më pas e qëlloi efektivin dhe e la të rrëzuar në tokë. Kolegu i efektivit ndërhyn, por në momentin që mbërrin ai, polici është rrëzuar në tokë, ndërsa objektivi është larguar.

policia e shtetit

Sondazh

Poll

MË SHUMË