Politike

“Më propozoi Bejko në garën për Tiranën”, Godole: Fillimisht e mora me shaka, s'isha në mbledhje kur u votua

Jonila Godole dha se emri i saj u propozua nga Roland Bejko, i cili është zgjedhur për të garuar si kandidat për kryeqytetin.

27 Mars 2023, 22:50 Nga k.m.
“Më propozoi Bejko në garën për Tiranën”,
Jonila Godole

TIRANË- Anëtarja e Kryesisë së Partisë Demokratike të Enkelejd Alibeajt, Jonila Godole tregoi detaje nga mbledhja e grupimit ku u diskutuan emrat që do të kandidonin për bashkinë e Tiranës. E ftuar në emisionin "Debat", Jonila Godole dha se emri i saj u propozua nga Roland Bejko, i cili është zgjedhur për të garuar si kandidat për kryeqytetin. Si fillim ajo u shpreh se lajmin e ka marrë me shaka, duke shtuar se votimi u bë në një mbledhje ku ajo nuk ishte e pranishme fizikisht. 

“Ishte zoti Bejko që më propozoi. Unë dhe Landi kemi luftuar shumë fortë që partia të dalë me kandidat pasi ishte ideja që mund të dilej vetëm me emra për këshilltarë bashkiakë. Ishte një propozim. Unë nuk thashë as po as jo thjesht e lashë të rridhte dhe doja ta testoja. Dhe doja të testoja dhe tezën që një njeri që vjen nga jashtë ka sukses në këto struktura. Unë edhe pse e mora me shaka, e krijova një grup me ekspertë që kishin idetë dhe jam e lumtur që njerëz të tillë të jenë këtu për platforma. Unë e kam mbështetur Landin. Nuk isha pjesë e takimit ku u votua. Nuk e kisha menduar që do të lihej çështja e kandidatëve ditën e fundit. Landi e ka marrë këtë përgjegjësi në një situatë të vështirë. Unë do ta mbështesë dhe ka nevojë dhe për mbështetjen e të gjithë kryesisë që të bëjë një fushatë si duhet në Tiranë,”- tha Godole në A2 CNN.

jonila godole

Sondazh

Poll

MË SHUMË