Aktualitet

Kontrolle blic në Itali/ Shqiptari pikaset për drogë në makinë, 'shkel' gazin të arratiset por përplaset me shtyllën, çfarë hodhi nga dritarja e mjetit?

Gjatë ndjekjes, efektivët kuptuan se burri po hidhte një mbështjellëse nga dritarja.

27 Mars 2023, 17:56 Nga a.l
Kontrolle blic në Itali/ Shqiptari pikaset për drogë në
Policia italiane

ITALI- Kontrollet blic në zonën e quajtur Fontanellato në Itali kanë çuar në arrestimin e një 46-vjeçari shqiptar pa vendbanim. Mediat italiane raportojnë se gjithçka nisi në orët e vona të pasdites në Casalbarbato di Fontanellato, kur patrulla e angazhuar në një postbllok urdhëroi të ndalonte një makinë që kalonte, por shoferi, duke iu shmangur sinjalit, përshpejtoi dhe u largua. 

Gjatë ndjekjes, efektivët kuptuan se burri po hidhte një mbështjellëse nga dritarja e mjetit. Pas disa minutash për shkak të shpejtësisë, mjeti pranë kthesës ka dalë nga rruga, duke rrëzuar një shtyllë dhe më pas është përmbysur. Pavarësisht aksidentit, 46-vjeçari ka gjetur forcën të dalë nga dera dhe të largohet, por përpjekjet e tij për t'u arratisur kanë dështuar pasi pak minuta më pas është vënë në pranga. 

Pas kontrollit në zonë, u gjet qesja e hedhur që përmbante një peshore precize dhe një gur kokaine me peshë 30 gram.  46-vjeçari u arrestua për posedim droge dhe u mbajt në dhomën e sigurisë në dispozicion të Autoritetit Gjyqësor. Për arsye hetimore, identiteti i tij nuk është bërë ende publik. 

arrestohet shqiptari ne itali

Sondazh

Poll

MË SHUMË