Politike

Balla jep emrat për kandidaturat e qarkut Fier, 4 rikonfirmime dhe 2 të rinj: Jemi 6 me zero

Balla tregoi se katër prej tyre do të rikandidojnë, ndërsa në Divjakë e Patos, kanë zgjedhur emra të rinj. 

25 Mars 2023, 21:48 Nga F.M
Balla jep emrat për kandidaturat e qarkut Fier, 4 rikonfirmime dhe 2
Taulant Balla

TIRANË- Drejtuesi politik i qarkut Fier, Taulant Balla ka prezantuar kandidaturat për gjashtë bashkitë e zonës. Në një prononcim për mediat, Balla tregoi se katër prej tyre do të rikandidojnë, ndërsa në Divjakë e Patos, kanë zgjedhur emra të rinj. 

Lista:

FIER -Armando Subashi (i rikandiduar)

LUSHNJE- Eriselda Sefa (e rikandiduar)

MALLAKASTËR- Qerim Ismaili (i rikandiduar)

ROSKOVEC- Majlinda Bufi (e rikandiduar)

PATOS- Fatjon Duraj

DIVJAKË- Josif Goreja

Sot PS vulosi listën me 61 emrat që do të garojnë për pushtetin vendor. PS-ja ka zgjedhur të rikonfirmojë kryebashkiakët aktualë. Përjashtim bëjnë disa prej bashkive, ku janë zgjedhur emra të rinj. Përmendim këtu Vlorën ku në vend të Dritan Lelit, PS do të kandidojë një ish-ambasador, Ermal Dredhën. Lefter Alla, ish-kryebashkiaku i Bulqizës që përfundoi në pranga pas abuzimeve me tenderat është zëvendësuar nga kryetarja e PS-së në këtë zonë, Festime Mjeshtri. Në Vaun e Dejës ka gjithashtu risi, Kristjan Shkreli, zëvendëskryetari i Bashkisë është zgjedhur kandidat për kryetar bashkie. Edhe Hasi e Divjaka erdhën me risi. Në Has kandidon Halit Mulaj, ndërsa në Divjakë Josif Goreja. Besjan Ajazi, aktualisht deputet i Partisë Socialiste është zgjedhur të kandidojë në krye të Gramshit.

taulant balla kryesia e ps 25 mars 2023

Sondazh

Poll

MË SHUMË