Politike

Raporti i DASH, Boçi me tone të larta në Kuvend: Nuk keni ku fshiheni! E vetmja dritare e lirë për median janë rrjetet sociale

Deputeti deklaroi se qeveria nuk ka ku fshihet e se duhet të përballet me atë ç'ka janë shkruar.

23 Mars 2023, 10:35 Nga A.B
Raporti i DASH, Boçi me tone të larta në Kuvend: Nuk keni ku
Luciano Boci

TIRANË-Deputeti i Partisë Demokratike, Luçiano Boçi reagoi me tone të ashpra nga Kuvendi, lidhur me sulmin ndaj 'Prestige Resort' ku tha se skenat e ndodhur një ditë më parë në godinë ishin shfaqje absurde dhe luftë e qeverisë ndaj medias së lirë. Po ashtu, theksin ai e vuri te raporti i DASH për Shqipërinë, duke shtuar se qeveria nuk ka ku fshihet e se duhet të përballet me atë ç'ka janë shkruar.

“Keni kapur sistemin e drejtësisë. Situata është ajo që pasqyron ky raport i DASH dhe s’keni ku fshiheni. Dje shqiptarët kanë parë në një shfaqje absurde bllokimin dhe luftën që Rama vazhdon ndaj medias së lirë. Tentativa e tij për të bllokuar Prestige Resort, që është vazhdim i luftës ndaj mediave të lirë për Hysenbelliu Group, dhe nuk është e rastit. Është program i detajuar, si synim i mbylljes së gojës së medias për eliminimin e opozitës. E vetmja dritare e lirë e medias sot janë rrjetet sociale. Më shqetësuese është gjendja e drejtësisë. Qeveria ka grabitur 273 mln euro nga inceneratorët, kështu thotë dhe raporti.”, tha Boçi.

luciano boci seance plenare 23 mars 2023

Sondazh

Poll