Politike

"Me kë do t’i zëvendësojë gratë, do vijnë vajzat e TikTok-ut?"/ Rama ndryshon mendje: Nuk bëhet shtëpia me miell hua

Gjatë takimit të sotëm me sipërmarrësit privat në vend, Rama tha se fasoneritë dhe bizneset e tjera duhet të kishin plane afatgjate për mbajtjen e punonjësve.

17 Mars 2023, 12:14 Nga A.B
"Me kë do t’i zëvendësojë gratë, do
Edi Rama

TIRANË- Kryeministri Edi Rama, në vitin 2021 ofroi si zgjidhje mundësinë e punësimit të shtetasve të huaj, kryesisht ata nga Bangladeshi. Por pas gati 1 vit e gjysmë duket se Rama është tërhequr nga kjo skemë, duke pohuar se ‘shtëpia nuk mbahet me miell hua’.

Gjatë takimit të sotëm me sipërmarrësit privat në vend, Rama tha se fasoneritë dhe bizneset e tjera duhet të kishin plane afatgjate për mbajtjen e punonjësve. Mes ironisë ai tha se profesionistët në këto sektorë kur dalin në pension nuk mund të zëvendësohen me vajzat që rrinë në tik-tok-ut.

“Duhet që punonjësit shqiptar ta vlerësojmë si sytë e ballit. Sipërmarrësit shqiptarë duhet të kuptojnë që nuk mund t’i japin asaj gruas që pastron nga 300 mijë lekë se janë nga vendi dhe pastaj marrin nga Bali dhe Filipinet dhe u japin nga 1000 euro. Nuk mund të funksionojë kështu. Nëse sot ka një problem dramatik është se Industria e fasonëve nuk ka menduar për këtë ditë. Fatmirësisht edhe në industrinë e fasonëve janë disa pionerë që kanë menduar për këtë ditë. Ca iu ndodh sot, Ato gra që i kanë marrë që në viti ‘90, i ka paguar me pagën minimale dhe u ka marrë shpirtin të shtunën, të dielën, se duhet plotësuar kjo se na e kërkon Armani e Versace. Sot i ka ardhur mosha e pensionit, me kë do t’i zëvendësojnë? Do vijnë vajzat që lozin në TikTok në Kamëz e Paskuqan apo në Vlorë, Lezhë do marrin makinën qepëse do rrinë aty për 40 mijë lekë, dhe ju diskutoni se janë 40 mijë shumë dhe si paguani dot. Është gjithë sistemi që duhet ndryshuar, duhet kaluar në Made in Albania, përndryshe thjesht dhe vetëm jeni rolin e tij gomarit që thoshte o zot bëjë ëndërr se ujku nuk është duke ngrënë, ujku ka filluar t’iu hajë kjo është evidente. Në do bëjmë si të tjerët, do marrim edhe punonjës të huaj, po nuk bëhet shtëpia me miell hua. Nuk jemi në kushte e Gjermanisë. Ne kemi mundësi për t’i gjetur. Është gjë tjetër nuk mund të pajtohet më me të njëjtat kushte, jemi në një moment krize të përgjithshme, ose do ta lëmë krizën që ti marri me vete si një dallgë të madhe sipërmarrjet ose ta kthejmë në një mundësi duke shfrytëzuar të gjitha kapacitet ne si qeveri dhe ju sipërmarrje që të dilni më të fortë”, tha Rama.

edi rama

Sondazh

Poll

MË SHUMË