Politike

Spiropali thirrje gjykatësit: Liroje sot nënën lehonë, jo nesër, ILD dhe KLGJ të hetojë këta gjyqtarë që burgosin gra

Spiropali tha se ka folur dhe me avokatin e zonjës në fjalë.

16 Mars 2023, 11:37 Nga F.M
Spiropali thirrje gjykatësit: Liroje sot nënën lehonë, jo
Elisa Spiropali

TIRANË- Ministrja Elisa Spiropali u ka bërë thirrje gjyqtarëve që të lirojnë nënën lehonë që ka lënë fëmijën vetëm 8 ditësh në shtëpi, Diana Bahçja. E pranishme në Kuvend, Spiropali tha se ka folur dhe me avokatin e zonjës në fjalë. Ndërkohë u bëri thirrje dhe institucioneve që të hetojnë gjyqtarët që arrestojnë nënat që sapo sjellin në jetë fëmijë. 

Pjesë nga fjala e Spiropalit: 

Nuk prita ditën e Kuvendit për të bërë politikë, reagova që dje. Diana Bahçja duhet të lirohet menjëherë, gjykatësi duhet ta lirojë sot edhe jo nesër. Dhe unë nuk kuptoj se cila gjykatë arreston, kërkon ndërrimin e gjobës me burgim për një nënë lehonë. Duhet që institucionet si ILD, po tani edhe KLGJ të përshpejtojnë procedurat të bëjë të mundur që ajo grua të dalë nga burgu dhe të shkojë pranë fëmijës së saj. Unë kam folur me avokatin e zonjës, jam në komunikim të vazhdueshëm, gjykatësi duhet ta lirojë. Duhet bërë një analizë jo vetëm për rastin ku gratë dënohen më shumë, ndërkohë që burrat që iu marrin jetën grave dalin nga burgu. Kjo padrejtësi duhet të adresohet me ligje, me kontroll parlamentar dhe me ndërgjegje të atyre gjykatësve dhe prokurorëve.

elisa spiropali seance plenare 16 mars 2023

Sondazh

Poll

MË SHUMË