Politike

Berisha: Do fitojmë zgjedhjet, të rinjtë kanë ikur të gjithë për faj të regjimit

Gjatë deklaratës së sotme në prezantimin e kandidatit të opozitës për Pogradecin Zini Tollozhina, Berisha tha se për faj të keqqeverisjes janë larguar të gjithë shqiptarët dhe të rinjtë nga vendi. 

12 Mars 2023, 11:55 Nga I.A
Berisha: Do fitojmë zgjedhjet, të rinjtë kanë ikur të
Sali Berisha

POGRADEC- Kreu i Partisë Demokratike Sali Berisha ka deklaruar se opozita ka qëllim të vetëm të shfarosë regjimin që ka kapur vendin. Gjatë deklaratës së sotme në prezantimin e kandidatit të opozitës për Pogradecin Zini Tollozhina, Berisha tha se për faj të keqqeverisjes janë larguar të gjithë shqiptarët dhe të rinjtë nga vendi.  

"Të dashur miq, ne vijmë sot në një moment të paprecedentë në 32 vite, sepse si kurrë më parë një përpjekje anti-kushtetuese, anti-demokratike bëhet për të përjashtuar forcën politike kryesore opozitare të vendit nga zgjedhjet. Bëhet për të mbështetur, për të konsoliduar monizmin e bazuar në krimin, drogën dhe vjedhjen e qytetarëve shqiptarë nga Edi Rama. Në asnjë vend të botës së lirë akte të tilla nuk kanë ndodhur. Por ne jemi të sigurtë se jo vetëm do marrim pjesë me kandidatët tanë të lirisë, por do fitojmë zgjedhjet dhe do shkojmë drejt përmbysjes përfundimtare të regjimit monist të Edi Ramës. Ne kemi besim se kjo pritje, se ky përkushtim, se ky entuziazëm ka një qëllim kryesor, shpëtimin e shoqërisë shqiptare dhe të Shqipërisë nga ky monizëm i egër që po shfaros kombin. Sot, çdo qytetar, fermer, intelektual që hedh sytë përreth tek fqinjët, vetja, lagjia, blloku, fshati konstaton me dhimbje se 1/3 jonë nuk është në Shqipëri. Se brenda 8 viteve nga ky vend u larguan në hapësirën e BE 937 mijë shqiptarë, kurse në të gjithë botën bëjnë më shumë se 1 milion. Në 8 vite ne humbëm 1/3 e kombit. E vërteta është, se nga kjo 1/3 rreth 80% janë nën moshën 30 vjeçare. Ne humbëm me shpejtësi dhe po humbasim rininë,' tha Berisha.

sali berisha zini tollozhina

Sondazh

Poll

MË SHUMË