Aktualitet

Vendimi i ndërmjetëm, Gjykata vendos të shprehet në fund për kërkesën e PD për mosnjohjen e Alibeajt si palë

Kërkesa e Kasos kishte si objekt mospranimin e grupit Alibeaj si palë, çka do të sillte automatikisht rrëzimin e padisë dhe mbylljen e gjyqit, por kjo nuk ndodhi.

3 Mars 2023, 13:05 Nga f.g
Vendimi i ndërmjetëm, Gjykata vendos të shprehet në fund
Foto ilustruese

TIRANE- Trupi gjykues i gjykatës së Apelit vendosi të mos shprehet në lidhje me kërkesën e përfaqësuesit të PD, Ivi Kaso për legjitimin e ankimimit të grupit Alibeaj. Dosja mësoi se gjykata vendosi të mos shprehet për kërkesat e palëve në këtë moment, por në fund. Tashmë vazhdon gjykimi në themel me të dyja palët.

“Vlerësohet se nisur nga fakti i parashtrimeve, gjykata do të shprehet pasi të ezaurojë procedurat”, tha gjykata. 

Kërkesa e Kasos kishte si objekt mospranimin e grupit Alibeaj si palë, çka do të sillte automatikisht rrëzimin e padisë dhe mbylljen e gjyqit, por kjo nuk ndodhi. Nëse kërkesa do të pranohej nga Dhoma e Këshillimit, atëherë do të ngelej në fuqi vendimi i gjyqtarit Agron Zhukri, por tashmë gjyqi vazhdon dhe në lojë janë dy skenarët e tjerë. I pari, që gjykata të lejë në fuqi vendimin e Agron Zhukrit dhe i dyti që të pranohet ankimimi i Alibeajt duke rrëzuar kështu vendimin e Zhukrit. /Dosja.al

gjyqi i vules pd ne gjyq

Sondazh

Poll

MË SHUMË