Aktualitet

Liroi nga burgu Dan Hutrën, ILD nis hetimet për gjyqtarin

ILD ka urdhëruar nisjen e verifikimit të rastit për të identifikuar, përgjegjësinë nga ana e gjyqtarëve.

1 Mars 2023, 20:28 Nga k.m.

Liroi nga burgu Dan Hutrën, ILD nis hetimet për gjyqtarin
Foto ilustruese


TIRANË- Ispektoriati i Lartë i Drejtësisë ka bërë një njoftim për mediat, duke lajmëruar se do të nisin hetimet lidhur me rastin e ndodhur. Në njoftimin e bërë nga zyra e shtypit, ILD ka urdhëruar nisjen e verifikimit të rastit për të identifikuar, përgjegjësinë nga ana e gjyqtarëve.

NJOFTIM PËR MEDIA

Inspektori i lartë i Drejtësisë po ndjek me vëmendje komunikimet në media mbi ngjarjen tejet të rëndë të ndodhur sot në Tiranë, ku tre grave iu mor jeta dhe tre të tjera u plagosën, nga një individ i dënuar më parë për vrasje. Sic ka vepruar edhe në raste të tjera të ngjashme me ndjeshmëri të lartë publike, Inspektori i Lartë i Drejtësisë bën të ditur, se ka urdhëruar nisjen e verifikimit të rastit për të identifikuar, nëse ka, përgjegjësi disiplinore nga ana e magjistratëve.

Ramazan (Dan) Hutra autori i vrasjes me armë zjarri të 3 grave të mërkurën në kryeqytet është arrestuar nga policia. Hutra është vënë në pranga pas disa orësh në arrati në zonën e Sharrës, në periferi të Tiranës. Dan Hutra vrau me armë zjarri shtetaset, Mevlute Hysa 30 vjeçe, motra e ish-bashkëjetueses së tij dhe Hasime Dafku 30 vjeçe, e fejuara e vëllait të ish-bashkëjetueses. Gjithashtu, plagosi ish-bashkëjetuesen e tij Elena Hysa, 35 vjeçe, dhe nënën e saj Kujtime Hysa, 60-vjeçe. Ai dyshohet se është edhe autori i vrasjes së Etleva Kurtit, ditën e sotme në Kamzë. 31-vjeçarja Etleva Kurti është motra e Vladimir Kurtit, i dënuar me burgim të përjetshëm për vrasjen e Agim Bucit, në vitin 2018, u gjet e vrarë me armë zjarri në oborrin e banesës së saj rreth mesditës së të mërkurës.

ild masakra e paskuqanit

Sondazh

Poll

MË SHUMË