Bota

India bën thirrje për dialog për t'i dhënë fund luftës Rusi-Ukrainë

Scholz mbërriti në Nju Delhi të shtunën në mëngjes për një vizitë zyrtare dy-ditore, e para që nga marrja e detyrës në 2021.

26 Shkurt 2023, 11:17 Nga a.l
India bën thirrje për dialog për t'i dhënë fund
Indi

INDI-  Kryeministri indian Narendra Modi propozi të luajë një rol në përfundimin e luftës Rusi-Ukrainë, duke thënë se India ka insistuar në zgjidhjen e mosmarrëveshjes përmes dialogut dhe diplomacisë që nga fillimi i konfliktit. Modi i bëri këto komente gjatë një konference të përbashkët për shtyp me kancelarin gjerman Olaf Scholz pas bisedimeve në nivel delegacioni midis dy vendeve. Scholz mbërriti në Nju Delhi të shtunën në mëngjes për një vizitë zyrtare dy-ditore, e para që nga marrja e detyrës në 2021.

"India ka insistuar në zgjidhjen e kësaj mosmarrëveshjeje përmes dialogut dhe diplomacisë që nga fillimi i luftës. India është e gatshme të kontribuojë në çdo proces paqeje," tha Modi gjatë një konference të përbashkët për shtyp të transmetuar drejtpërdrejt nga mediat lokale.

Të dy krerët diskutuan një sërë temash, me fokus forcimin e lidhjeve dypalëshe në fushat e energjisë së pastër, tregtisë dhe teknologjive të reja.

“Përveç se është partneri ynë më i madh tregtar në Evropë, Gjermania është gjithashtu një burim i rëndësishëm investimesh në Indi. Lidhjet e forta midis Indisë dhe Gjermanisë bazohen në vlerat e përbashkëta demokratike dhe interesat reciproke”, tha kryeministri indian. 

Ai deklaroi se marrëdhëniet mes dy vendeve janë përmirësuar shumë vitet e fundit duke shtuar se sot po hapen mundësi të reja në të gjithë sektorët dhe ne jemi të inkurajuar nga interesimi i Gjermanisë për këto mundësi. Kancelari Scholz, nga ana e tij, tha se lufta është një katastrofë e madhe sepse bota po vuan si rezultat i agresionit të Rusisë kundër Ukrainës dhe se askush nuk mund të ndryshojë kufijtë përmes përdorimit të dhunës.

“Ne duhet të sigurohemi që lufta e tmerrshme e agresionit të mos ketë ndikim të rëndësishëm dhe negativ në vendet në Azi, Afrikë dhe Amerikë”, tha Scholz.

Lidhur me lidhjet ekonomike të dy vendeve, kancelarja deklaroi se rreth 1800 kompani gjermane janë aktive në Indi, duke ofruar mijëra vende pune.

narendra modi

Sondazh

Poll

MË SHUMË