Bota

FOTO LAJM/ 1 -vjetori i luftës, deputetët socialistë shpalosin flamurin shqiptar në parlamentin ukrainas

Deputetët, Pandeli Majko, Denis Deliu dhe Xhemal Qefalia kanë shpalosur flamurin shqiptar në parlamentin e Ukrainës. 

24 Shkurt 2023, 18:42 Nga a.l
FOTO LAJM/ 1 -vjetori i luftës, deputetët socialistë shpalosin
Deputetët socialistë në parlamentin ukrainas

UKRAINË- Sot shënohet 1 vit që nga nisja e luftës në Ukrainë. Presidenti ukrainas dhe zyrtarë të tjerë morën sot pjesë në seancën plenare në Kuvend në kuadër të 1 vjetorit nga nisja e agresionit rus në territoret ukrainase. Të pranishëm në Parlament ishin edhe disa deputetë nga kabineti i Partisë Socialiste.Deputetët, Pandeli Majko, Denis Deliu dhe Xhemal Qefalia kanë shpalosur flamurin shqiptar në parlamentin e Ukrainës. 

“Sot në Ukrainë, në parlament, në sesionin e posaçëm për përvjetorin e agresionit rus! Më pas, në Irpin ku masakra e luftës nuk ka fjalë ta shpjegoj…”, shkruan Majko.

"Sot, në parlamentin e Ukrainës ku morëm pjesë në mbledhjen plenare të Rada Verkhovna e Ukrainës për nder të një viti nga fillimi i agresionit të plotë nga Rusia. Bashkë me kolegët Pandeli Majko dhe Xhemal Qefalia, me prani të Konsullit të Nderit të Republikës së Shqipërisë në Ukrainë z. Shahin Omarov dhe me ftesë të Kryetarit të Grupit për Marrëdhëniet Ndërparlamentare me Republikën e Shqipërisë, deputetit të Popullit z.Igor Vasyliv", shkruan Deliu. 

Gjatë këtyre 365 ditëve të përgjakshme, gjërat kanë ndryshuar shumë por ukrainasit nuk janë dorëzuar. Një mesazh në këtë ditë e përcolli edhe Volodymyr Zelenskyy për përvjetorin e parë të luftës duke thënë me bindje se ky do të jetë viti i fitores. Kina kërkon armëpushim dhe fund të luftimeve në Ukrainë duke kërkuar që të mbahen të sigurt centralet bërthamore dhe t’i jepet fund kërcënimeve për sulme bërthamore.  

lufta ne ukraine

Sondazh

Poll

MË SHUMË