Bota

Pas Polonisë edhe Gjermania lajmëron dërgimin e tankeve të tjera Leopard 2 në Ukrainë

Deri më tani Gjermania ka dërguar 14 tanke në Ukrainë.

24 Shkurt 2023, 17:46 Nga a.l
Pas Polonisë edhe Gjermania lajmëron dërgimin e tankeve të
Flamuri Gjerman

GJERMANI- Ministria gjermane e mbrojtjes ka njoftuar se Gjermania do të dërgojë katër tanke të tjera Leopard 2 në Ukrainë. Deri më tani Gjermania ka dërguar 14 tanke në Ukrainë.

“Vendosëm të dorëzojmë dhe katër tanke të tjera kryesore luftarake Leopard 2 A6 nga rezervat e Bundeswehr në Ukrainë. Me këtë vendim, së bashku me partnerët tanë portugez dhe suedez, ne tani jemi në gjendje të sigurojmë një batalion më të mirë për Ukrianën. Së bashku me Poloninë, filloi një iniciativë për t’i siguruar Ukrainës dy batalione të tankeve kryesore të betejës Leopard 2. Ndërsa Polonia ka marrë përsipër pjesën e furnizimit të Leopard 2 A4, Gjermania po koordinon pjesën e Leopard 2 A6. Me njoftimin e sotëm nga Suedia për të dorëzuar dhjetë tanke kryesore luftarake Leopard 2 A5, të cilët janë teknikisht të ngjashëm me versionin gjerman 2 A6, së bashku me Portugalinë ne jemi në gjendje të vëmë 31 Leopard 2 në dispozicion të Ukrainës”, thuhet në deklaratë.

Edhe Polonia konfirmoi sot dorëzimin e tankeve të parë Leopard në Ukrainë të premten, ndërsa kryeministri Mateusz Morawiecki vizitoi Kievin për të shënuar njëvjetorin e pushtimit rus të Ukrainës. 

lufta ne ukraine

Sondazh

Poll

MË SHUMË