Aktualitet

Mësuesi i Fizkulturës në pranga për ngacmim seksual, kolegët i dalin në mbrojtje: Mund të jetë inskenim, nuk e bën profesor Keli këtë

Ata thonë se Laçi nuk ka patur asnjë shfaqje të mëparshme që mund ti bënte të dyshonin në sjelljen e tij. 

18 Janar 2023, 11:42 Nga f.g
Mësuesi i Fizkulturës në pranga për ngacmim seksual,
Mesuesja

TEPELENE- Një ditë pas arrestimit dhe pezullimit nga detyra të mësuesit të Edukimit Fizik, Kleanthi Laçi, kolegët e tij mësuesë dhe drejtoresha e shkollës deklarojnë se Laçi nuk ka patur asnjë shfaqje të mëparshme që mund ti bënte të dyshonin në sjelljen e tij. 

"Unë kam 6 vite në këtë shkollë dhe nuk e mendoj se profesori të ketë bërë diçka të tillë. Unë si mësuese për atë profesor nuk e mendoj se e ka bërë diçka të tillë. Edhe mund të jetë e inskenuar. Unë nuk e kam parë gocën që pretendon se është ngacmuar seksualisht.

Unë kam dëgjuar vetëm për një nxënëse të ngacmuar. Por me pak fjalë nuk e besoj që profesor Keli ta ketë bërë një gjë të tillë”- u shpreh mësuesja.

Ndërsa, drejtoresha e shkollës nuk pranoi të prononcohej për mediat, duke thënë se për Laçin ishin marrë masat, referuar pezullimit. 

Kleanthi Laçi, Mësuesi i edukimit fizik në Tepelenë, u pezullua nga detyra pasi është prangosur fillimisht për akuzat “Ngacmimi seksual” dhe “Kallëzimi i rremë”. Ai u dhunua 3 ditë më parë nga 3 persona dhe mohoi të kishte konflikte. Ai deklaroi se nuk dinte arsyen e dhunimit dhe nuk i njihte autorët. Por njëri prej tyre, Alvi Gumeni, një emigrant i kthyer nga jashtë vendit u vetëdorëzua në Polici dhe shpjegoi arsyet e konfliktit. Ai tha se e kishte dhunuar mësuesin pasi motra e tij i kishte rrëfyer se mësuesi e kishte ngacmuar seksualisht./Dosja.al

kleanth laci

Sondazh

Poll

MË SHUMË